ଚାଷୀଙ୍କ କାମରେ ଆସୁନାହିଁ କୋଟିଏ ଟଙ୍କାର ପ୍ରକଳ୍ପ
ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଲେଇ): ଜମିରେ ବର୍ଷକୁ ଦୁଇଥର ଚାଷ କରିବା ଲକ୍ଷ୍ୟରେ ଗୋଲାମୁଣ୍ଡା ବ୍ଲକ ଚପ୍ରିଆ ଉଦନ୍ତି ନଦୀ କୂଳରେ ରାଜ୍ୟ ସରକାର କୋଟି କୋଟି ଟଙ୍କା ବିନିମୟରେ ପାର୍ବତିଗିରି ବୃହତ ଉଠାଜଳସେଚନ ପ୍ରକଳ୍ପ ନିର୍ମାଣ କରିଥିଲେ । ଏହି ପ୍ରକଳ୍ପରୁ ବର୍ଷକୁ ଦୁଇ ଥର ଚପ୍ରିଆ,ତୁରେଛଡା,ସାନଚେରଗାଁ,ଖଲିଆପାଲି,ବାଞ୍ଜିପଦର, ଟିଙ୍ଗିପଦର ଅଞ୍ଚଳର ହଜାର ହଜାର ଏକର ଚାଷ ଜମିରେ ପାଣି ଯୋଗାଣ ହେବା କଥା । ଚଳିତ ବର୍ଷ ଗୋଲାମୁଣ୍ଡା ବ୍ଲକରେ କମ ବୃଷ୍ଟିପାତ ଯୋଗୁଁ ଚାଷ ଜମିରେ ପାଣି ନିଅଣ୍ଟ ହେଉଥିବା ବେଳେ ଉକ୍ତ ପ୍ରକଳ୍ପରୁ ଚାଷୀ ନିଜ ଜମିକୁ ପାଣି ମଡାଇବୁ ଚାହୁଁ ଥିଲେ ମଧ୍ୟ ଉକ୍ତ ପ୍ରକଳ୍ପରୁ ପାଣି ମିଳୁନଥିବା ଚପ୍ରିଆ ଗ୍ରାମର ଚାଷୀ ଅଭିଯୋଗ କରିଛନ୍ତି । ଏହି ପ୍ରକଳ୍ପ କାର୍ଯ୍ୟ ସଂପୂର୍ଣ୍ଣ ହୋଇ ଗତ ବର୍ଷ ସୀମିତି ସମୟ ପାଇଁ ଚଷୀଙ୍କୁ ପାଣି ଯୋଗାଣ ହୋଇଥିଲା । କିନ୍ତୁ ଚଳିତ ବର୍ଷ ବର୍ତ୍ତମାନ ପର୍ଯ୍ୟନ୍ତ ଚର୍ଷୀଙ୍କୁ ପାଣି ମିଳି ପାରିନାହିଁ । ଏହି ବିଷୟରେ ଉକ୍ତ ପ୍ରକଳ୍ପରେ କାର୍ଯ୍ୟରତ କର୍ମଚାରିଙ୍କୁ ପଚାରିଲେ ନଦୀରେ ଜଳସ୍ଥର କମ ଥିବାରୁ ପ୍ରକଳ୍ପକୁ ପାଣି ଉଠାଇ ପାରୁନାହିଁ ଏଣୁ ଚାଷୀଙ୍କୁ ପାଣି ଯୋଗାଣ ହୋଇ ପାରୁନାହିଁ ବୋଲି ପ୍ରକାଶ କରିଥିଲେ । ଏଠାରେ ପ୍ରଶ୍ନ ଉଠେ ଯେ ସରକାର ବର୍ଷକୁ ଦୁଇ ଥର ଚାଷ କରିବା ଲକ୍ଷ୍ୟରେ କୋଟି କୋଟି ଟଙ୍କାରେ ଏହି ପ୍ରକାଳ୍ପ ନିର୍ମାଣ କରିଥିବା ବେଳେ ବର୍ଷା ଦିନରେ ଚାଷଙ୍କୁ ପାଣି ମିଳୁନଥିବା ବେଳେ କିପରି ଖରା ସମୟରେ ଚାଷୀଙ୍କୁ ପାଣି ମିଳିବ । ଏଦିଗରେ ଜଳ ସମ୍ପଦ ବିଭାଗ ସ୍ୱତନ୍ତ୍ର ଦୃଷ୍ଟି ଦେଇ ଯାଥା ଶିଘ୍ର ଚାଷ ଜମିକୁ ପାଣି ଯୋଗଇ ଦେବାକୁ ଚପ୍ରିଆ ଅଞ୍ଚଳର ଚାଷୀ ସୁଶିଳ ଦାସ, ଚିତ୍ରସେନ ଦାସ, ପ୍ରସନ୍ନ ଦାସ, ବିଭୁତି ମାଝୀ, ରେଜେନ୍ଦ୍ର ମାଝୀ, ଭୂବନେ ମାଝୀ, ମାରୁତି ମହେର, ସହଦେବ ଦାଶ, ଋଷିମଣି ଦାସ, ସୁନ୍ଦର ବାଗ, ପିତାମ୍ବର ଦାସ, ଦୁଲମଣି ଦାସ, ଜଗମୋହନ ଦାସ, ଉପେନ୍ଦ୍ର ଚନ୍ଦନ, ପିତାମ୍ବର ଚନ୍ଦନ,ମକାରୁ ବାଗ,ହରେରାମ ଚନ୍ଦନ, ପିତାମ୍ବର ମାଝୀ, ରୁମାଞ୍ଚଳ ଜାନୀ, କମଲ ମାଝୀ, ଶାନ୍ତନୁ ଗହିର ପ୍ରମୁଖ ଦାବୀ କରିଛନ୍ତି । ଆଗାମୀ ଏକ ସପ୍ତାହ ମଧ୍ୟରେ ଚାଷ ଜମିକୁ ପାଣି ଯୋଗାଣ ନହେଲେ ଏହି ପ୍ରକଳ୍ପରେ ତାଲା ମାରି ଆନ୍ଦୋଳନ କରିବୁ ବୋଲି ଚାଷୀମାନେ ଚେତାବନୀ ଦେଇଛନ୍ତି ।
