ଓଡ଼ିଆ ବାର୍ତ୍ତା/ ନୂଆପଡ଼ା (ସ୍ବାସ୍ତିଦୀପ ଆଦିତ୍ୟ): ନୂଆପଡ଼ା ଜିଲ୍ଲା ତୁକଲାସ୍ଥିତ ମେହେର ପରିବାର ପକ୍ଷରୁ ପାରମ୍ପରିକ ରୀତିନୀତି ଓ ଭାଇଚାରାର ସହ ନୂଆଖାଇ ପର୍ବ ପାଳିତ ହୋଇଯାଇଛି। ନୂଆଖାଇ ଅବସରରେ ପରିବାରର ସମସ୍ତ ସଦସ୍ୟ ଏକାଠି ହୋଇ ନବାନ୍ନ ଭୋଗ ଗ୍ରହଣ କରିବା ସହ ପରସ୍ପରକୁ ନୂଆଖାଇ ଜୁହାର ଜଣାଇଥିଲେ। ପରିବାରର ବୟୋଜ୍ୟେଷ୍ଠଙ୍କୁ ଜୁହାର କରି ଆଶୀର୍ବାଦ ନେବା ସହ ଘରେ ପାରମ୍ପରିକ ଖାଦ୍ୟ ପ୍ରସ୍ତୁତ କରାଯାଇଥିଲା। ଦୂରଦୂରାନ୍ତରେ ରହୁଥିବା ପରିବାର ସଦସ୍ୟମାନେ ମଧ୍ୟ ନୂଆଖାଇ ଅବସରରେ ଏକାଠି ହୋଇଥିବାରୁ ପରିବାର ମଧ୍ୟରେ ଖୁସି ଓ ଉତ୍ସାହର ପରିବେଶ ସୃଷ୍ଟି ହୋଇଥିଲା। ନୂଆଖାଇ ଅବସରରେ ପରିବାରର ଛୋଟଠାରୁ ବଡ଼ ସମସ୍ତେ ଉତ୍ସବର ଆନନ୍ଦ ନେଇଥିଲେ। ନୂଆ ଅନ୍ନର ସୁଗନ୍ଧ ସାଙ୍ଗକୁ ଆତ୍ମୀୟସ୍ୱଜନଙ୍କ ମିଳନ ଉତ୍ସବର ମାହୋଲକୁ ଆହୁରି ଖୁସିମୟ କରିଥିଲା। ଯୁବପିଢ଼ି ମଧ୍ୟ ଏହି ପାରମ୍ପରିକ ପର୍ବରେ ସାମିଲ ହୋଇ ନୂଆଖାଇର ପରମ୍ପରା ଓ ସଂସ୍କୃତିକୁ ଆଗକୁ ବଢ଼ାଇବାର ବାର୍ତ୍ତା ଦେଇଥିଲେ। ନୂଆଖାଇ ଭେଟଘାଟ ମାଧ୍ୟମରେ ପରିବାର ଓ ସମ୍ପର୍କୀୟଙ୍କ ମଧ୍ୟରେ ଥିବା ସ୍ନେହ, ଭଲପାଇବା ଓ ଭାଇଚାରା ଆହୁରି ନିବିଡ଼ ହୋଇଥିଲା। ପରସ୍ପରକୁ ଜୁହାର ଓ ଶୁଭେଚ୍ଛା ଜଣାଇ ସମସ୍ତେ ସୁଖ, ଶାନ୍ତି ଓ ସମୃଦ୍ଧି କାମନା କରିଥିଲେ।ନୂଆଖାଇ କେବଳ ଏକ ପର୍ବ ନୁହେଁ, ଏହା ପଶ୍ଚିମ ଓଡ଼ିଶାର ମାଟି, କୃଷି, ପରମ୍ପରା ଓ ପରିବାରିକ ଏକତାର ପ୍ରତୀକ। ଏହି ପରମ୍ପରାକୁ ଆଗାମୀ ପିଢ଼ି ପର୍ଯ୍ୟନ୍ତ ବଞ୍ଚାଇ ରଖିବା ସହ ପରିବାର ମଧ୍ୟରେ ସ୍ନେହ, ଏକତା ଓ ଭାଇଚାରାର ବାର୍ତ୍ତା ଦେଇଛି ତୁକଲାର ମେହେର ପରିବାରର ଏହି ନୂଆଖାଇ ଉତ୍ସବ। ଏହି ଅବସରରେ ସମଗ୍ର ପରିବାର ମଧ୍ୟରେ ଖୁସି ଓ ଉତ୍ସବର ମାହୋଲ ଦେଖିବାକୁ ମିଳିଥିଲା।
