ଲେଖିବାକୁ ଭାରି ଭୟ ଲାଗୁଛି
ଲେଖିବାକୁ “ଚିଠିଟିଏ ତୁମ ନାଁ ରେ”
ଆଶଙ୍କା ଉପୁଜୁଛି ବାରମ୍ବାର ଯଦି
କିଏ ପଢ଼ିଦେଇ ଜାଣିଯିବ ମୋ
ହୃଦୟର ଭାଷାକୁ ଯାହାକି
କେବଳ ତୁମ ପାଇଁ ।।
କୋହ,ଲୁହ,ପ୍ରେମ,ବିରହର
ପ୍ରତିଟି ଶବ୍ଦକୁ ଅନୁଭବ କରି
ଯଦି ସେ ଭାଙ୍ଗିଯାଇ ପଡିଯିବ
ମୋ ପ୍ରେମରେ ତେବେ ଲାଗିଯିବ
କଳଙ୍କ ମୋ ପ୍ରେମ ଚିଠି ସହ ମୋ
ଭାବନାରେ ତୁମରି ପାଖରେ ।।
କିଛି ରାଗ ଅଭିମାନକୁ ମନେ ରଖି
ଲେଖିଥିବା କଟାକ୍ଷର କିଛି
ଶବ୍ଦପୁଞ୍ଜ କୁ ନେଇଯିବ ନିଜ ମନକୁ
ଝରାଇ ଦେଇ ଲୁହ ଚାପି ଧରିବ
ନିଜ ବାହୁ ବନ୍ଧନରେ ଅବା ଛାତି
କାନ୍ଥରେ ତେବେ ମରିଯିବ ମୋ
ପ୍ରେମ ଯାହାକି ସାଇତା
ହୋଇଛି ତୁମ ମନରେ ।।
ତଥାପି,ତଥାପି ଇଛା ହେଉଛି
ଲେଖିବାକୁ ନାଲି ନୀଳ କାଗଜରେ
ଚିଠିଟିକୁ ଚଳଚିତ୍ରର ନାୟିକା ଟେ
ପରି ହସ ହସ ଲାଜୁଆ ମୁହଁ ଥମି ଥମି ।।
ସରୋଜିନୀ ବେହେରା (ଟିକି)
ଆଗରପଡା, ଭଦ୍ରକ
ଏଠି ଛୁଇଁଲେ ଗୋଟେ ବି ସାହିତ୍ୟ ଖବର, ଗପ, କବିତା ମିସ୍ କରିବେନି, ଏବେ ହିଁ ଛୁଅନ୍ତୁ
