ନର୍ଲା,୧୩/୬: କରୋନା ସଂକ୍ରମଣକୁ ପ୍ରତିହତ କରିବା ପାଇଁ ରୁପ୍ରାରୋଡ ଗ୍ରାମ ପଞ୍ଚାୟତ ବିଭିନ୍ନ ପଦକ୍ଷେପ ଗ୍ରହଣ କରି ଆସୁଛି । ଆଜି ସୁରକ୍ଷା ଦୃଷ୍ଟିରୁ ସାରା ରୁପ୍ରାରୋଡ ପଞ୍ଚାୟତକୁ ୨୪ ଘଣ୍ଟିଆ ସଟ୍ ଡାଉନ ଘୋଷଣା କରାଯାଇଛି । ଏହା ଜୁନ ୧୩ ଶନିବାର ସକାଳ ୬ ଘଣ୍ଟାରୁ ରବିବାର ସକାଳ ୬ ଘଣ୍ଟା ପର୍ଯ୍ୟନ୍ତ ବଳବତ୍ତର ରହିବ ।

Omkar Vasthu

Near Ashish Medical Store, Bhawanipatna

ଏନେଇ ସରପଞ୍ଚ ଚିତ୍ତରଞ୍ଜନ ରଣା ପ୍ରକାଶ କରିଛନ୍ତି ଯେ, ପଞ୍ଚାୟତର ବିଲାଟ ଗ୍ରାମର ଜୈନକ ବ୍ୟକ୍ତି ଇନଷ୍ଟିଚୁସନାଲ କ୍ବାରେନଟାଇନରେ ଶେଷ କରି ସାରିବା ପରେ ମଧ୍ୟ ବର୍ତ୍ତମାନ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେ କିଛିଦିନ ପାଇଁ ଗ୍ରାମରେ ପରିବାର ସହ ରହିଥିବାରୁ ପରିବାରର ସମସ୍ତ ସଦସ୍ୟଙ୍କୁ କ୍ବାରେନଟାଇନ ସେଣ୍ଟରକୁ ସ୍ଥାନାନ୍ତରିତ କରାଯାଇଛି । ଗ୍ରାମବାସୀଙ୍କୁ ଦୂରତ୍ବରକ୍ଷା କରିବାପାଇଁ ଜଣାଇ ଦିଆଯାଇଥିବା ବେଳେ ବିଲାଟ ଗ୍ରାମକୁ ଅଜଥା ଜିବା ଆସିବା ଉପରେ ରୋକ ଲଗାଇ ଦିଆ ଯାଇଛି । ସରପଞ୍ଚ କହିଛନ୍ତି ଯେ, ବିନା କାରଣରେ ଘରୁ ନବାହାରିବାକୁ ସମସ୍ତଙ୍କୁ ଅନୁରୋଧ କରାଯାଇଥିବା ବେଳେ ରୁପ୍ରାରୋଡ ଗ୍ରାମ ପଞ୍ଚାୟତକୁ ସଟ୍ ଡାଉନ ଘୋଷଣା କରାଯାଇଛି ।