ଲାଞ୍ଜିଗଡ଼: କଳାହାଣ୍ଡି ଜିଲ୍ଲା ବିଶ୍ୱନାଥପୁର ଥାନା ଅନ୍ତର୍ଗତ ପୋଖରିବନ୍ଧ ଠାରୁ ଭବାନୀପାଟଣାକୁ ସଂଯୋଗ କରୁଥିବା ୬ ନମ୍ବର ରାଜ୍ୟ ରାଜପଥର ଢେପଗୁଡା ଘାଟି ନିକଟରେ ଘଟିଯାଇଛି ଏକ ମର୍ମନ୍ତୁଦ ସଡକ ଦୁର୍ଘଟଣା। ଏହି ଦୁର୍ଘଟଣାରେ ରାସ୍ତା କଡରୁ ତଳକୁ ଖସି ପଡ଼ିଛି ଏକ ଆଲୁମିନିୟମ ପାଉଡର ବୋଝେଇ ଟ୍ରକ। ଏହି ଟ୍ରକ୍ ଟି ରାସ୍ତା କଡର ଏକ ପୋଲ ପ୍ରାୟ ୩୦ ଫୁଟ ତେଲକୁ ଖସି ପଡ଼ିଥିବା ବେଳେ ଏଥିରେ ଡ୍ରାଇଭର ଏବଂ ହେଲ୍ପର ଆହାତ ହୋଇଛନ୍ତି। ଦୁର୍ଘଟଣାର କିଛି ସମୟ ମଧ୍ୟରେ ଘଟଣା ସ୍ଥଳରେ ଆମ୍ବୁଲାନ୍ସ ପହଞ୍ଚି ସେମାନଙ୍କୁ ଉଦ୍ଧାର କରି ଭବାନୀପାଟଣା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ଆଲୁମିନିୟମ ବୋଝେଇ ଟ୍ରକଟି ରାୟଗଡା ଜିଲ୍ଲା ଥେରୁବାଲିଠାରୁ ରାୟପୁରକୁ ଯାଉଥିବା ବେଳେ ଭାରସାମ୍ୟ ହରାଇ ଢେପଗୁଡା ଘାଟି ଏକ ପୋଲ ନିକଟରେ ଓଲଟି ପଡିଥିଲା। ଅନ୍ୟପକ୍ଷରେ ପ୍ରତିଦିନ ଏହି ରାସ୍ତାରେ ଦୁର୍ଘଟଣା ଘଟୁଥିବା ବେଳେ ସାଧାରଣ ଲୋକେ ରାସ୍ତାରେ ଯାତାୟାତକୁ କରୁଥିବା ବେଳେ ଲୋକଙ୍କ ପାଖରେ ଏକ ଭୟର ବାତାବରଣ ଦେଖା ହୋଇଛି।