ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଲାଞ୍ଜିଗଡ଼ ବ୍ଲକ ବିଜେପୁର ଅଞ୍ଚଳରେ ଆଜି ଅପରାହ୍ନରେ ପ୍ରବଳ ବର୍ଷା ସାଙ୍ଗକୁ ଝଡ଼ ତୋଫାନ ହୋଇଛି । ଏଥି ଯୋଗୁଁ ବିଜେପୁର ଛକରେ ଥିବା ଏକ ବିରାଟ ଆମ୍ବଗଛ ଭାଙ୍ଗି ମୁଖ୍ୟ ରାସ୍ତା ଉପରେ ପଡ଼ିଯିବାରୁ ଦୀର୍ଘ ସମୟ ଯାଏଁ ବିଜେପୁର-କଲ୍ୟାଣସିଂହପୁର ରାସ୍ତା ଅବରୋଧ ହୋଇ ରହିଥିଲା । ଏ ସଂପର୍କରେ ଖବର ପାଇ ଲାଞ୍ଜିଗଡ଼ ଅଗ୍ନିଶମ ବିଭାଗର ଇନ୍ସପେକ୍ଟର ମନୋରଞ୍ଜନ ପାଢ଼ୀଙ୍କ ନେତ୍ରୁତ୍ବରେ ଆଗ୍ନିକମାନେ ଘଟଣାସ୍ଥଳରେ ପହଞ୍ଚି ଗଛ କାଟି ରାସ୍ତା ଅବରୋଧ ହଟାଇଥିଲେ । ଅଗ୍ନିଶମ ବିଭାଗର ଉଦ୍ୟମ ଯୋଗୁଁ ରାସ୍ତା ଅବରୋଧ ହଟିବା ସହିତ ଯାତାୟତ ସ୍ବାଭାବିକ ହୋଇପାରିଛି ।
