ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ଉପମୁଖ୍ୟମନ୍ତ୍ରୀ ତଥା ଆରଜେଡିର ସର୍ବୋଚ୍ଚ ନେତା ତେଜସ୍ୱୀ ଯାଦବଙ୍କ ନେତୃତ୍ୱରେ ୨୦୨୫ରେ ମହାମେଣ୍ଟ ଧାନସଭା ନିର୍ବାଚନ ଲଢିବ। ମହାମେଣ୍ଟର ବୈଠକ ପରେ ନୀତୀଶ କୁମାର ଏହି ଘୋଷଣା କରିଛନ୍ତି। ୨୦୨୫ ବିଧାନସଭା ନିର୍ବାଚନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ନେତୃତ୍ୱରେ ନିର୍ବାଚନ ଲଢ଼ାଯିବ ବୋଲି କହିବା ସହିତ ସେ ପ୍ରଧାନମନ୍ତ୍ରୀ ପଦ ପାଇଁ ପ୍ରାର୍ଥୀ ନୁହଁନ୍ତି ବୋଲି ସଫେଇ ରଖିଛନ୍ତି।
ସମସ୍ତ ବିରୋଧୀ ଦଳ ବିଜେପିକୁ କ୍ଷମତାରୁ ହଟାଇବାକୁ ଚାହୁଁଛନ୍ତି। ଜେଡିୟୁ ମଧ୍ୟ ଏହି ପ୍ରୟାସରେ ସାମିଲ ହୋଇଛି ବୋଲି ସେ କହିଛନ୍ତି। ତେଜସ୍ୱୀଙ୍କୁ ପଦୋନ୍ନତି ଦେବା ନେଇ ନୀତୀଶ କୁମାର ନାଳନ୍ଦାରେ ଡେଣ୍ଟାଲ କଲେଜର ଉଦଘାଟନ ଅବସରରେ ସେ ତେଜସ୍ୱୀ ଯାଦବଙ୍କୁ ନେଇ ଏପରି କହିଛନ୍ତି। ଯେଉଁସମୟରେ କି ତେଜସ୍ୱୀ ମଧ୍ୟ ଉପସ୍ଥିତ ଥିଲେ।
ଏହାପୂର୍ବରୁ ତେଜସ୍ୱୀ ଯାଦବଙ୍କ ଜନ୍ମଦିନ ଅବସରରେ ନୀତିଶ ସର୍ବସାଧାରଣରେ ତାଙ୍କୁ ଆଲିଙ୍ଗନ କରି କହିଥିଲେ ଯେ ଭବିଷ୍ୟତରେ ସବୁକିଛି ଦେଖିବାକୁ ମିଳିବ। ଏହା ସହିତ ନୀତୀଶ କୁମାର ମଧ୍ୟ ବିରୋଧୀ ଦଳକୁ ଏକଜୁଟ କରିବା ବିଷୟରେ କହିଛନ୍ତି। ଏହା ପରେ ବିହାରକୁ ତେଜସ୍ୱୀଙ୍କୁ ହସ୍ତାନ୍ତର କରି ସେ କେନ୍ଦ୍ରରେ ରାଜନୀତି କରିବେ ବୋଲି କୁହାଯାଉଛି।
ନୀତିଶ କୁମାର ତେଜସ୍ୱୀ ଯାଦବଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ବୋଲି କହୁଛନ୍ତି। ଆରଜେଡି ନେତାମାନେ ତାଙ୍କୁ ପ୍ରଧାନମନ୍ତ୍ରୀ ଚେହେରା ବୋଲି କହୁଛନ୍ତି। ଏକଦା ନୀତୀଶ କୁମାରଙ୍କ ବିରୋଧୀ ଥିବା ତଥା ଏବେର ଆରଜେଡି ରାଜ୍ୟ ସଭାପତି ଜଗଦାନନ୍ଦ ସିଂ କହିଛନ୍ତି ତେଜସ୍ୱୀ ଯାଦବ ଏବଂ ଲାଲୁ ଯାଦବ କହିବା ପୂର୍ବରୁ ନୀତୀଶ କୁମାର ଜଣେ ପ୍ରଧାନମନ୍ତ୍ରୀ ଚେହେରା।
