ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ଆମେରିକାର ରାଷ୍ଟ୍ରଦୂତ ଗୀତା ରାଓ ଗୁପ୍ତା ଭାରତ ଗସ୍ତରେ ଅଛନ୍ତି। ସେ ଆଠ ଦିନ ପାଇଁ ଭାରତର ବିଭିନ୍ନ ସହର ପରିଦର୍ଶନ କରିବେ। ଏହି ଗସ୍ତ ସମୟରେ ଆମେରିକାର ରାଷ୍ଟ୍ରଦୂତ ମହିଳାଙ୍କ ବିଶ୍ୱସ୍ତରୀୟ ପ୍ରସଙ୍ଗ ଉପରେ ଆଲୋଚନା ମଧ୍ୟ କରିବେ। ଗୀତା ରାଓ ତାଙ୍କର ଆଠ ଦିନିଆ ଗସ୍ତ ସମୟରେ ଗୁଜୁରାଟ, ମୁମ୍ବାଇ ଏବଂ ବେଙ୍ଗାଲୁରୁ ଗସ୍ତ କରିବେ। ସେ ଅଗଷ୍ଟ ୪ ପର୍ଯ୍ୟନ୍ତ ଗୁଜୁରାଟରେ ରହିବେ। ସେଠାରେ ସେ ମହିଳାଙ୍କ ଆର୍ଥନୈତିକ ଉନ୍ନତି ଏବଂ ସଶକ୍ତିକରଣ ପାଇଁ ଜି -୨୦ ସମବାୟ ସମିତିରେ ଆମେରିକାର ପ୍ରତିନିଧିତ୍ୱ କରିବେ। ଏହାପରେ ସେ ଅଗଷ୍ଟ ୫ ଏବଂ ୬ରେ ମୁମ୍ବାଇ ଯାତ୍ରା କରିବେ ଏବଂ ଘରୋଇ କ୍ଷେତ୍ର ତଥା ନାଗରିକ ସମାଜର ସଦସ୍ୟମାନଙ୍କୁ ଭେଟିବେ। ଏଠାରେ ସେ ଲିଙ୍ଗଗତ ସମାନତା ପ୍ରାଥମିକତା ଉପରେ ଆଲୋଚନା କରିବେ। ଏହାପରେ ଅଗଷ୍ଟ ୭ରେ ଡେପୁଟି ଆସିଷ୍ଟାଣ୍ଟ ସେକ୍ରେଟାରୀ ଜ୍ୟାକସନଙ୍କୁ ବେଙ୍ଗାଲୁରୁ ଭେଟିବେ। ଏଥିସହ ସେଠାରେ କନେକ୍ଟ ଇଣ୍ଟରନ୍ୟାଶନାଲ ଏସିଆ ପାସିଫିକ ସମ୍ମିଳନୀରେ ଯୋଗଦେବେ। ସେହିପରି ବେଙ୍ଗାଲୁରୁରେ ମହିଳା ନେତା ଏବଂ ନାଗରିକ ସମାଜ ସଂଗଠନକୁ ଭେଟିବା ସହ ଭାରତରେ ମହିଳାଙ୍କ ଅଧିକାର ତଥା ସଶକ୍ତିକରଣ ପାଇଁ ପଦକ୍ଷେପ ବିଷୟରେ ଆଲୋଚନା କରିବେ ରାଷ୍ଟ୍ରଦୂତ ଗୀତା ରାଓ ଗୁପ୍ତା।ବୈଦେଶିକ ବିଭାଗ ଦ୍ୱାରା ଜାରି ଏକ ବିଜ୍ଞପ୍ତି ଅନୁଯାୟୀ ଆମେରିକାର ପ୍ରତିନିଧୀ ଦଳ ହ୍ୱାଇଟ ହାଉସର ଲିଙ୍ଗ ନୀତି ପରିଷଦରେ ରାଷ୍ଟ୍ରପତି ଜୋ ବାଇଡେନଙ୍କ ସ୍ୱତନ୍ତ୍ର ସହକାରୀ ରାକେଲ ଭୋଗେଲଷ୍ଟାଇନଙ୍କୁ ମଧ୍ୟ ସାମିଲ କରିବେ। ରାକେଲ ଜାତୀୟ ସୁରକ୍ଷା ପରିଷଦ (ଲିଙ୍ଗ) ର ଏକ ବିଶେଷ ପରାମର୍ଶଦାତା ମଧ୍ୟ ଅଟନ୍ତି। ରାକେଲଙ୍କ ବ୍ୟତୀତ ଦକ୍ଷିଣ ଏବଂ ମଧ୍ୟ ଏସିଆ ବ୍ୟାପାର ବିଭାଗର ଡେପୁଟି ଆସିଷ୍ଟାଣ୍ଟ ବୈଦେଶିକ ସଚିବ ନାନସୀ ଇଜଜୋ ଜ୍ୟାକସନ ମଧ୍ୟ ଯୋଗଦେବେ।
