ଓଡ଼ିଆ ବାର୍ତ୍ତା/ ମୁମ୍ବାଇ: ଯେତେବେଳେ ଆମେ ବିଦେଶ ଯାଉ, ସବୁବେଳେ ଭିସା ଓ ପାର୍ସପୋର୍ଟର ଆବଶ୍ୟକତା ପଡିଥାଏ । ଦେଶରେ ଭ୍ରମଣ କରିବା ସମୟରେ ସେଗୁଡିକର ଆବଶ୍ୟକତା ନଥାଏ । ଆପଣମାନେ ହୁଏତ ଜାଣିନଥିବେ ଭାରତରେ ଏପରି ଏକ ରେଳଷ୍ଟେସନ ରହିଛି, ଯେଉଁଠାରେ ଟ୍ରେନ ଯାତ୍ରା କରିବାକୁ ଭିସା ଏବଂ ପାର୍ସପୋର୍ଟର ଆବଶ୍ୟକତା ପଡେ । ଯଦି ଆପଣ ଏଠାରେ ଧରାପଡନ୍ତି ତେବେ ସିଧା ଜେଲ ଯିବାକୁ ପଡିବ । ଏହା ଭାରତ-ପାକିସ୍ତାନ ଯାତ୍ରା ସହ ଜଡିତ ଥିବାରୁ ଏଠାରେ ସୁରକ୍ଷା ବ୍ୟବସ୍ଥା କଡାକଡି ରହିଥାଏ । ଆମେ କହୁଛୁ ପଞ୍ଜାବ ଅମୃତସରରେ ଥିବା ଅଟାରି ରେଳ ଷ୍ଟେସନର କଥା । ଟ୍ରେନଟି ପାକିସ୍ତାନକୁ ଚାଲିଥାଏ । ଏହା ହେଉଛି ଦେଶର ଏକମାତ୍ର ରେଳଷ୍ଟେସନ୍ ଯେଉଁଠାରେ ଉଭୟ ପାର୍ସପୋର୍ଟ ଓ ଭିସା ଦରକାର ହୁଏ । ଯଦି ଆପଣ ଏଠାରେ ବିନା ଡକ୍ୟୁମେଣ୍ଟରେ ଧରାପଡନ୍ତି ତେବେ ମାମଲା ରୁଜ୍ଜୁ ହେବା ସହ ଜେଲ ଦଣ୍ଡ ଭୋଗିବାକୁ ପଡିବ । ତେବେ ଏହି ମାମଲାରେ ଧରାପଡିବା ପରେ ଜାମିନ୍ ପାଇବାକୁ ଅନେକ ବର୍ଷ ଲାଗିଯାଏ । ଦିଲ୍ଲୀ କିମ୍ବା ଅମୃତସରରୁ ପାକିସ୍ତାନର ଲାହୋରକୁ ଯାଉଥିବା ଟ୍ରେନ ଗୁଡିକ ଏହି ଅଟାରି ରେଳଷ୍ଟେସନ ଦେଇ ଯାଇଥାଏ । ଗତ କିଛି ବର୍ଷ ହେବ ପାକିସ୍ତାନ ସହ ସମ୍ପକ ଖରାପ ଥିବାରୁ ଟ୍ରେନ୍ ସେବା ପ୍ରଭାବିତ ହୋଇଥିଲା । ଆହୁରି ମଧ୍ୟ ଏହି ଷ୍ଟେସନକୁ ଆସିଲେ ନିଜ ସାମଗ୍ରୀ ନିଜେ ଉଠାଇବାକୁ ପଡିବ । କାରଣ ଏହି ଷ୍ଟେସନକୁ କୁଲି ମାନଙ୍କୁ ଅନୁମତି ନାହିଁ ।
