ଓଡ଼ିଆ ବାର୍ତ୍ତା/ ଭୁବନେଶ୍ୱର: ମାସିକ ପତ୍ରିକା ସୌଦାମିନୀ ତା’ର ଷଷ୍ଠ ସଂସ୍କରଣ ପାଇଁ କଭର ପୃଷ୍ଠା ଉନ୍ମୋଚନ କରିଛି । ଏଥିରେ ଲେଖକ ତଥା ସମାଜସେବୀ ରବିନାରାୟଣ ପଟ୍ଟନାୟକଙ୍କ ଛବି ସ୍ଥାନିତ ହୋଇଛି । ଏହି ସଂସ୍କରଣ ମାର୍ଚ୍ଚ ମାସ ୫ ତାରିଖରେ ପ୍ରକାଶିତ ହେବ । ସୌଦାମିନୀ ପତ୍ରିକାର ଷଷ୍ଠ ସଂସ୍କରଣରେ ବିଭିନ୍ନ ଲେଖକଙ୍କ ଦ୍ଵାରା କାହାଣୀ, କବିତା ସହିତ ବିଶିଷ୍ଟ ପରିଚୟ ଓ ରବିନାରାୟଣ ପଟ୍ଟନାୟକଙ୍କ ସହିତ ସ୍ବତନ୍ତ୍ର ସାକ୍ଷାତକାର ମଧ୍ୟ ସ୍ଥାନ ପାଇଛି । ଯେଉଁଥିରେ ଶ୍ରୀ ପଟ୍ଟନାୟକଙ୍କ ବିଷୟରେ ଅନେକ ଅଜଣା କଥା ଏହା ଦ୍ବାରା ପ୍ରକାଶ ପାଇବ । ସୌଦାମିନୀ ପତ୍ରିକାର ସମ୍ପାଦିକା ହେଉଛନ୍ତି ସୋନାଲି ଗଡ଼ନାୟକ । ଏହି ସଂସ୍କରଣ ସମସ୍ତଙ୍କୁ ପସନ୍ଦ ଆସିବ ବୋଲି ସମ୍ପାଦିକା ଆଶା ପ୍ରକାଶ କରିଛନ୍ତି ।
