ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଲାଞ୍ଜଗଡ଼ ବ୍ଲକ ଅଧିନସ୍ଥ ଗୋପାଳପୁର ୧୬ ପ୍ରହର ନାମଯଜ୍ଞର ପୂର୍ଣ୍ଣାହୂତି ପଡ଼ିଲା। ଗୋପାଳପୁରରେ ପ୍ରତିବର୍ଷ ଏ ସମୟରେ ଅନୁଷ୍ଠିତ ହୋଇଥାଏ ୧୬ ପ୍ରହର ନାମଯଜ୍ଞ। ଚଳିତ ବର୍ଷ ଏହି ୧୬ ପ୍ରହର ନାମଯଜ୍ଞରେ ଆୟୋଜକ ଗୋପାଳପୁର, ବୃନ୍ଦାବାହାଲ, ଖାଇଙ୍ଗ , ବଫଲା, ନୂଆପଡ଼ା, ରାକ୍ସୀ, କନ୍ଦାଖାଲ, କେନ୍ଦୁମୁଣ୍ଡି ପ୍ରଭୃତି ୮ ଗୋଟି ସଂକୀର୍ତ୍ତନ ମଣ୍ଡଳୀ ଅଂଶ ଗ୍ରହଣ କରିଥିଲେ।ପ୍ରସିଦ୍ଧ ସଂକୀର୍ତ୍ତନ ଗୁରୁ ଓ ଗାୟକ ମାନଙ୍କ ସମାଗମ ଘଟିଥିଲା। ଦୁଇଦିନ ଧରି ଅଖଣ୍ଡ ନାମଯଜ୍ଞ ଚାଲିଥିଲା। ପୂଜକ ଭାବରେ ପଣ୍ଡିତ ସହଦେବ ପାଢ଼ୀ ପୂଜନ କାର୍ଯ୍ଯ ସମ୍ପାଦନ କରିଥିବା ବେଳେ ଯଜ୍ଞ କର୍ତ୍ତା ଭାବରେ ଶ୍ରୀମତୀ ସୁନନ୍ଦା ପାଢ଼ୀ ଓ ଅନୀଲ କୁମାର ପାଢ଼ୀ ଦାୟୀତ୍ବ ନିର୍ବାହନ କରିଥିଲେ। ଦୁଇଦିନ ଧରି ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଭକ୍ତଙ୍କ ସମାବେଶ ଘଟିଥିଲା। ପ୍ରତ୍ୟହ ମଧ୍ୟାହ୍ନ ଓ ରାତିରେ ଅନ୍ନଛତ୍ର କାର୍ଯ୍ୟକ୍ରମ ଅନୁଷ୍ଠିତ ହେଉଥିଲା। ଗୋପାଳପୁର ନାମଯଜ୍ଞ କମିଟି ନାମଯଜ୍ଞ ପରିଚାଳନା କରିଥିଲେ। ଦାଧିହାଣ୍ଡି ନଗର ପରିକ୍ରମା ପରେ ପୂର୍ଣ୍ଣାହୂତି ପଡ଼ିଥିଲା।
