ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ପଶ୍ଚିମ ଓଡ଼ଶାର କୃଷି ଭିତ୍ତିକ ଗଣପର୍ବ ନୂଆଖାଇକୁ ନେଇ ଚଳ ଚଞ୍ଚଳ ହୋଇ ଉଠିଛି ପୁରପଲ୍ଲୀ। ଚାରିଆଡେ ଖୁସିର ମାହୋଲ। ବିଭିନ୍ନ ସ୍ଥାନରେ ଚାଲିଛି ନୂଆଖାଇ ଭେଟଘାଟ କାର୍ଯ୍ୟକ୍ରମ। ଏହି କ୍ରମରେ କଳାହାଣ୍ଡି ଜିଲ୍ଲା ନର୍ଲା ବ୍ଲକ ଅଧିନସ୍ଥ ଭାନପୁର ଗ୍ରାମ ପଂଚାୟତର ରାକ୍ସି ଗ୍ରାମର ଜନ ସାଧାରଣ ନୂଆଖାଇ ସାରିବା ପରେ ଗାଁ ଛକରେ ସମବେତ ହୋଇ ନୂଆଖାଇ ଭେଟଘାଟର କାର୍ଯ୍ୟକ୍ରମ ଆୟୋଜନ କରିଥିଲେ। ନୂଆଖାଇ ପର୍ଯ୍ୟବେଶିତ କାର୍ଯ୍ୟକ୍ରମ, ସାଂସ୍କୃତିକ କାର୍ଯ୍ୟକ୍ରମ ଓ ସମ୍ୱର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କ୍ରମରେ ଗ୍ରାମର ଶତାୟୁ ବ୍ୟକ୍ତି (୧୦୮ ବର୍ଷୀୟ) ପରମାନନ୍ଦ କୁମାରଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରଯାଇଥିଲା। ଗ୍ରାମର ବରିଷ୍ଠ ବ୍ୟକ୍ତି ଛନ୍ଦାଚରଣ ବାଗ (ନବୀନ), ବିଜୟ ସାହୁ, ତପନ କୁମାର ସାହୁ, ଜଗଦୀଶ ସାହୁ, ସାଗର ବିଶ୍ବାଳ, ବଳବନ୍ତ ବିଶ୍ବାଳ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। କାର୍ଯ୍ୟକ୍ରମ ଶେଷରେ ବିଜୟ ସାହୁ ଧନ୍ୟବାଦ ଅର୍ପଣ କରିଥିଲେ।
