ଓଡ଼ିଆ ବାର୍ତ୍ତା/ ଭୁବନେଶ୍ଵର: ନୂଆଖାଇ ପର୍ବ ଉପଲକ୍ଷେ ସାମ୍ବାଦିକ ଡଃ ସତିଶ କୁମାର ଦାସଙ୍କୁ ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଯୋଗଦାନ ପାଇଁ “First Indian Icon Award” ରେ ସମ୍ମାନୀତ କରାଯାଇଛି। “ଜଳବାୟୁ ପରିବର୍ତ୍ତନ ଏବଂ ଗ୍ରାମୀଣ ଓ ଆଦିବାସୀ ଅଧ୍ୟୁଷିତ ଅଞ୍ଚଳ ଖବର ସରକାରଙ୍କ ନିକଟର ପହଞ୍ଚାଇବା ନିମନ୍ତେ ଶ୍ରୀ ଦାସଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଆନ୍ଧ୍ରପ୍ରଦେଶ ଓ ଛତିଶଗଡ଼ ର ପୂର୍ବତନ ରାଜ୍ୟପାଳ ଶ୍ରୀ ବିଶ୍ବ ଭୂଷଣ ହରିଚନ୍ଦନ ଯୋଗଦାନ କରି ସମ୍ମାନିତ କରିଥିଲେ।ୱାଲ୍ଡ ହୋମ ଇଣ୍ଟରନେସନାଲ୍ ଏବଂ ଅନ୍ତର୍ଜାତୀୟ ଓଡ଼ିଆ ସ୍ୱାଭିମାନ ପ୍ରତିଷ୍ଠାନ, ନୂଆଦିଲ୍ଲୀର ମିଳିତ ଆନୁକୁଲ୍ୟରେ ନୂଆଖାଇ ପର୍ବ ଉପଲକ୍ଷେ ଭୁବନେଶ୍ୱର ଠାରେ ଆୟୋଜିତ ଦିନିକିଆ ଜାତୀୟ ସମ୍ବର୍ଦ୍ଧିତ ସଭାରେ ଶ୍ରୀ ଦାସଙ୍କୁ ସମ୍ମାନୀତ କରାଯାଇଛି। ଡଃ ସତିଶ କୁମାର ଦାଶ ପ୍ରଥମେ ଏନ୍ଆଇ, ପରେ ଭରତ ୨୪ ଏବଂ ବର୍ତ୍ତମାନ ସେ ଟାଇମ୍ସ ନାଓ ନବଭାରତ ରେ କାମ କରୁଛନ୍ତି। ୱାଲ୍ଡ ହୋମ ଇଣ୍ଟରନେସନାଲ୍, ଦିଲ୍ଲୀର ସାଧାରଣ ସମ୍ପାଦିକା ରମେଶ୍ୱରି ନନ୍ଦ ଶ୍ରୀ ଦାସଙ୍କୁ ସମ୍ବର୍ଦ୍ଧିତ ହେବା ପାଇଁ ନିମନ୍ତ୍ରିତ କରିଥିବାରୁ ଶ୍ରୀ ଦାସ ଧନ୍ୟବାଦ ଜ୍ଞାପନ କରିଛନ୍ତି।
