ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଶନିବାର ରାତିରେ ୩ଟି ଦେବ-ମାନବ ଦୁର୍ଲଭ ‘ବ୍ରହ୍ମକମଳ’ ପୁଷ୍ପ ଫୁଟିଛି ନର୍ଲା ବ୍ଳକ ରୁପ୍ରାରୋଡ ବାସିନ୍ଦା ତଥା ଓଡ଼ିଆ ବାର୍ତ୍ତାର ପରିଚାଳନା ନିର୍ଦ୍ଦେଶକ ସୁନିଲ କୁମାର ଅଗ୍ରୱାଲଙ୍କ ଦହଲ ସ୍ଥିତ ପ୍ରମୋଦ ଉଦ୍ୟାନରେ। ହିମାଳୟର ପର୍ବତ୍ୟାଞ୍ଚଳରେ ସାଧାରଣତଃ ଫୁଟିଥାଏ ବ୍ରହ୍ମକମଳ। ଏହା ଦେବତାମାନଙ୍କ ଅତି ପ୍ରୀୟ ହୋଇଥିବାବେଳେ ପୁଣ୍ୟ ଫଳରେ ମାନବଙ୍କୁ ଦର୍ଶନ ଦେଉଥିବା ବିଶ୍ଵାସ ରହିଛି। ଆଗକୁ ଧରାବତରଣ କରିବେ ଜଗତଜନନୀ ଦୁର୍ଗା। ଏହି ସମୟରେ ଏହି ପୁଷ୍ପ ପୁଟିବା ଦୈବୀ କୃପା ବୋଲି କହିଛନ୍ତି ସ୍ଥାନୀୟ ଅଞ୍ଚଳବାସୀ। ରବିବାର ରୁପ୍ରାରୋଡ ଜଗନ୍ନାଥ ମନ୍ଦିରରେ ଏହି ପୁଷ୍ପ ମହାପ୍ରଭୁଙ୍କୁ ଅର୍ପଣ କରାଯିବ ବୋଲି ଓଡ଼ିଆ ବାର୍ତ୍ତା ଏମଡି ଶ୍ରୀ ଅଗ୍ରୱାଲ ପ୍ରକାଶ କରିଛନ୍ତି।
