ଓଡ଼ିଆ ବାର୍ତ୍ତା/ ବାଲେଶ୍ୱର (କୃଷ୍ଣ କୁମାର ମହାନ୍ତି: ବ୍ୟାଙ୍କ ଅଫ୍ ଇଣ୍ଡିଆ- ଭେଟେରାନର ଅବସର ପ୍ରାପ୍ତ ଅଧିକାରୀ ଏବଂ ବିଜେବି ମହାବିଦ୍ୟାଳୟର ୧୯୭୬ ବିଜ୍ଞାନ ବ୍ୟାଚ୍ ତରଫରୁ ସଂଜୀବନୀ ଅନାଥ ଆଶ୍ରମରେ ମିଳିତ ଭାବରେ ପିଲାମାନଙ୍କ ସହିତ ଦୀପାବଳି ମହୋତ୍ସବ ପାଳନ କରାଯାଇଛି। ଏଥିରେ ବ୍ୟାଙ୍କ ଅଫ ଇଣ୍ଡିଆ ଭେଟେରାନ୍ ଗ୍ରୁପ ତରଫରୁ ସୁକାନ୍ତ ମହାନ୍ତି ଏବଂ ବିଜେବି କଲେଜ ୧୯୭୬ ବ୍ୟାଚ୍ ତରଫରୁ ଡାକ୍ତର ମନୋରଂଜନ ଦାଶ ପ୍ରତିନିଧତ୍ୱ କରିଥିଲେ। ସଭାପତି ଶ୍ରୀ ଦୁର୍ଗାଚରଣ ମଲ୍ଲ, ଉପସଭାପତି ଶ୍ରୀ ସତ୍ୟ ବେହେରା ପରିଚାଳନା କରିଥିଲେ। ଅନ୍ତେବାସୀ ପିଲାମାନେ ଖୁବ୍ ଆନନ୍ଦିତ ହେବା ସହିତ ଦୀପାବଳି ପାଳିଥିଲେ। ଦୀପାବଳି ଆଲୋକ ଓ ଆନନ୍ଦର ପର୍ବ ବୋଲି ଅତିଥି ମାନେ ପିଲାମାନଙ୍କୁ କହିଥିଲେ। ଶେଷରେ ଧନ୍ୟବାଦ ଅର୍ପଣ କରିଥିଲେ ସୁଲେଖିକା ରଶ୍ମୀ ରାଉଳ।
