ଓଡ଼ିଆ ବାର୍ତ୍ତା/ ରାୟଗଡ଼ା (ପଦ୍ମନ ଭତ୍ରା): ରାୟଗଡ଼ା ଜିଲ୍ଲା ଗୁଣପୁର ବ୍ଲକ ସଗଡା ପଞ୍ଚାୟତର କିଛି ଶ୍ରମିକ ଧାନ ରୁଆ ନିମନ୍ତେ ମ୍ୟାକ୍ସ ପିକ୍ ଅପ୍ ଗାଡ଼ିରେ ଯାଉ ଥିବା ବେଳେ ଟଲନା ଘାଟି ନିକଟରେ ଦୁର୍ଘଟଣା ଘଟିଥିଲା । ଫଳରେ ଶ୍ରମିକ ୧୮ଜଣ ଆହତ ହୋଇଥିବା ବେଳେ ସମସ୍ତ ଆହତଙ୍କୁ ଗୁଣପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ଶ୍ରମିକ ମାନେ ଡକାସିକୁଲା ଗ୍ରାମକୁ ଧାନ ରୁଆ କାମ ନିମନ୍ତେ ଯାଉଥିଲେ । ଏହି ଘଟଣା ପରେ ଖବର ପାଇ ପୁଟାସିଂ ପୋଲିସ ୧୦୮ଆମ୍ବୁଲାନ୍ସ, ଅଗ୍ନିଶମ ଯାନ ଯୋଗେ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । ସମସ୍ତ ଶ୍ରମିକ ଙ୍କ ବୟସ ପ୍ରାୟ ୨୧ ରୁ ୪୦ ବର୍ଷ ମଧ୍ୟରେ ହୋଇଥିବା ବେଳେ ୬ଜଣଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ଅଧିକ ଚିକିତ୍ସା ନିମନ୍ତେ ପାରଳାଖେମୁଣ୍ଡି ବଡ ମେଡିକାଲ କୁ ସ୍ଥାନାନ୍ତର କରାଯାଇଛି ।
