✒️ସୁଜିତ କୁମାର ସତପଥି

ଅଜାଣତେ ଆମ ଭିତରେ
କେବେଠୁ ଆରମ୍ଭ ହୋଇସାରିଛି
ଆଉ ଗୋଟିଏ ଯୁଦ୍ଧ

ସଭିଏଁ ଏଠି ପକ୍ଷଧର
ନିଜେ ନିଜର
ମୁଁ ତମର ନୁହଁ କି
ତମେ ମୋର ନୁହଁ

କେବେ ମୁଁ ନାରୀବାଦୀ ହୋଇ ପୁରୁଷଙ୍କୁ ଲାଞ୍ଛେ
ପୁଣି ପୁରୁଷବାଦୀ ହୋଇ ନାରୀକୁ ଅବହେଳେ
ଦଳିତବାଦୀ ହୋଇ ବ୍ରାହ୍ମଣବାଦର ତଣ୍ଟି କାଟେ ତ
ବ୍ରାହ୍ମଣବାଦୀ ହୋଇ ଦଳିତଙ୍କୁ ଅସ୍ପୃଶ୍ଯ କରେ
ଜନବାଦୀ ହୋଇ ସାମନ୍ତବାଦକୁ ତୀର ଯୋଖେ
ପୁଣି ସାମନ୍ତବାଦୀ ହୋଇ ଜନତାର ଛାତିରେ ଯନ୍ତ୍ର ଖଞ୍ଜେ
ଆଉ ପୁଣି ମ୍ଳେଚ୍ଛବାଦୀ ହୋଇ ରାଜନୀତିର ନାଁ ରେ
ଅନ୍ଯବାଦୀଙ୍କୁ ଆଖଡା ଘରେ ନଚାଏ,
ଉପଭୋଗ କରେ