ନର୍ଲା,୨୦/୩ : କରୋନା ଭାଇରସକୁ ନେଇ ଦେଶ ସାରା ସଚେତନତା ଓ ପ୍ରତିଷେଧ ମୂଳକ କାର୍ଯ୍ୟକ୍ରମ ଜାରି ରହିଛି । କୋଭିଡ୍-୧୯ ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ଜିଲ୍ଲା, ବ୍ଲକ ଓ ପଞ୍ଚାୟତ ସ୍ତରରେ ପ୍ରଶାସନ ଜନ ସଚେତନତା କାର୍ଯ୍ୟକ୍ରମ ସହ ପ୍ରତିଷେଧକ ବ୍ୟବସ୍ଥା ଜାରି ରଖିଛନ୍ତି । ଏହି କ୍ରମରେ କଳାହାଣ୍ଡି ଜିଲ୍ଲା ନର୍ଲା ଗ୍ରାମ ପଞ୍ଚାୟତର ସରପଞ୍ଚ ଚିରଞ୍ଜିବୀ ଗୌଡ଼ିଆଙ୍କ ନେତୃତ୍ୱରେ କରୋନା ଭାଇରସ ସଚେତନତା ରାଲି ଅନୁଷ୍ଠିତ ହୋଇଛି । ପଞ୍ଚାୟତ କାର୍ଯ୍ୟାଳୟ ଠାରୁ ବାହାରିଥିବା ଏହି ରାଲି ନର୍ଲା ବସ ଷ୍ଟାଣ୍ଡ, ଡାକ୍ତର ଖାନା, ବ୍ଲକ ନିକଟରେ ସାଧାରଣ ଜନତାକୁ ସଚେତନ କରାଇଥିଲେ । ଏହି ରାଲିରେ କାମିନୀ କିନ୍ନର ଓ ତାଙ୍କ ସାଥି କିନ୍ନର, ଆଶା ଶାନ୍ତି ଲତା, ପଙ୍କଜିନୀ ନାଏକ, ଅଙ୍ଗନୱାଡି କର୍ମୀ, ଶାନ୍ତପୁର ସମିତି ସଭ୍ୟ ଗୋବିନ୍ଦ ତାଣ୍ଡି ପ୍ରମୁଖ ସହଯୋଗ କରିଥିଲେ ।