କୋକସରା,୨୫/୭: ନେହେରୁ ଯୁବକେନ୍ଦ୍ର କଳାହାଣ୍ଡି ଓ ନେହେରୁ ଯୁବକ ସଙ୍ଘ ବଙ୍ଗୋମୁଣ୍ଡାର ମିଳିତ ଆନୁକୂଲ୍ୟରେ ବଙ୍ଗୋମୁଣ୍ଡା ଖେଳ ପଡିଆ ଠାରେ ସ୍ୱଚ୍ଛ ଗ୍ରାମ ସବୁଜ ଗ୍ରାମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାଷ୍ଟ୍ରୀୟ ସ୍ବେଛାସେବୀ କୋପନେଶ୍ୱର ବେମାଲ ଓ ଦିନକାନ୍ତ ମଙ୍ଗରାଜଙ୍କ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗମ୍ଭାରୀ ଗୁଡା ସରପଞ୍ଚ ନନ୍ଦିତା ସାହୁ ଯୋଗଦେଇ ଜଙ୍ଗଲ ସୁରକ୍ଷା ଓ ବୃକ୍ଷ ରୋପଣ ଉପରେ ଗୁରୁତ୍ୱ ଦେବାକୁ କହିଥିଲେ ।

Omkar Vasthu

Near Ashish Medical Store, Bhawanipatna

ଏହି ଅବସରରେ ବଙ୍ଗୋମୁଣ୍ଡା ଖେଳ ପଡିଆ ଠାରେ ଅତିଥି ମାନଙ୍କ ଦ୍ୱାରା ଚାରା ରୋପଣ କରାଯାଇଥିଲା । କାର୍ଯ୍ୟକ୍ରମରେ ଧନଞ୍ଜୟ ସାହୁ, ଲଷ୍ମୀକାନ୍ତ ନାଏକ, ନେହେରୁ ଯୁବକ ସଙ୍ଘ ବଙ୍ଗୋମୁଣ୍ଡାର ସଭାପତି ତୁଳସିରାମ ପୂଝାରୀ ଓ ଅନୁଷ୍ଠାନର ସମସ୍ତ ସଦସ୍ୟ ମାନେ ସହଯୋଗ କରିଥିଲେ ।