ଲାଞ୍ଜିଗଡ: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ବେନଗାଁର ପୁର୍ବତନ ସରପଞ୍ଚ ପାଲସି ମାଝୀଙ୍କ ପତ୍ନୀ ଲଚମୀ ମାଝୀ (୩୧) ବିଷାକ୍ତ ସାପ କାମୁଡାରେ ମୃତ୍ୟୁ ମୁଖରେ ପଡିଛନ୍ତି।ପ୍ରାପୂ ସୂଚନା ଅନୁସାରେ ଲଚମୀ ମାଝୀ ସକାଳ ୬ ଘଣ୍ଟା ସମୟରେ ବେନଗାଁ ସ୍ଥିତ ନିଜ ଘର ଭିତରେ ଥିବା ସମୟରେ ତାଙ୍କୁ ଏକ ବିଷାକ୍ତ ସାପ କାମୁଡିଥିଲା। ଲଚମୀ ଚିତ୍କାର କରିବାରୁ ସ୍ୱାମୀ ପାଲସି ଦୌଡ଼ି ଯାଇ ଦେଖିଥିଲେ। ତାଙ୍କ ଅବସ୍ଥା ଗୁରୁତର ହେବାରୁ ଏକ ଗାଡି ଭଡ଼ାକରି ସକାଳ ୮ ଘଣ୍ଟା ସମୟରେ ଭବାନୀପାଟଣା ମୁଖ୍ୟ ମେଡ଼ିକାଲରେ ନେଇ ଭର୍ତ୍ତି କରିଥିଲେ। ଅବସ୍ଥା ଅତି ସଙ୍କଟପୂର୍ଣ୍ଣ ରହିଥିବା ବେଳେ ଡାକ୍ତରଙ୍କ ପ୍ରାଥମିକ ଚିକିତ୍ସା ସମୟରେ ହିଁ ଲଚମୀଙ୍କ ମୃତ୍ୟୁ ଘଟିଥିଲା। ଭବାନୀପାଟଣାରେ ଶବ ବ୍ୟବଚ୍ଛେଦ ପରେ ସନ୍ଧ୍ୟା ୮ ଟାରେ ବେନଗାଁ ନିଜ ଘରକୁ ଆଣି ଲଚମୀଙ୍କ ଶବ ସତ୍କାର କରାଯାଇଛି।
ଲାଞ୍ଜିଗଡ଼ରୁ ଦୁଃଖିଶ୍ୟାମ ନାଗ (ନିଲେଶ)ଙ୍କ ସହ ଧର୍ମେନ୍ଦ୍ର ପଣ୍ଡାଙ୍କ ରିପୋର୍ଟ OdiaBarta.in
