ଭବାନୀପାଟଣା: ବାପୁଜୀ କ୍ଳଷ୍ଟର ଅନ୍ତର୍ଗତ ପୁରୁଣାପଡା ଉ.ପ୍ରା. ବିଦ୍ୟାଳୟର ସହକାରୀ ଶିକ୍ଷୟିତ୍ରୀ ସୁଶ୍ରୀ କମଳ କୁମାରୀ ସାହୁଙ୍କ ୪୦ବର୍ଷ ଚାକିରୀ ସମାପ୍ତ ପରେ ଅବସରକାଳୀନ ସମ୍ଵର୍ଦ୍ଧନା ସଭା ବିଦ୍ୟାଳୟ ପରିସରରେ କୋଭିଡ଼ ନିୟମ ମାନି ଅନୁଷ୍ଠିତ ହୋଇଯାଇଛି। ଉକ୍ତ ସଭାରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଲୀନା ଦାସ ସଭାପତିତ୍ଵ କରିଥିବା ବେଳେ ମୁଖ୍ୟ ଅତିଥି ରୂପେ ଭବାନୀପାଟଣା ବିଇଓ ଜଗନ୍ନାଥ ପୁରୋହିତ, ସମ୍ମାନୀତ ଅତିଥି ଏବିଇଓ ତଥା ବିଆରସିସି ଜୟକୁମାର ମାଝୀ, ବାପୁଜୀ ଉ.ପ୍ରା. ବିଦ୍ୟାଳୟର ପ୍ରଧାନଶିକ୍ଷକ ସୁଢ଼ଳଦେବ ମୁଣ୍ଡ ଯୋଗ ଦେଇଥିଲେ। ବାପୁଜୀ କ୍ଳଷ୍ଟର ସିଆରସିସି ମିନତୀ କୁମାରୀ ପ୍ରଧାନ ମଞ୍ଚ ପରିଚାଳନା କରିଥିଲେ ଏଵଂ ଏସଏମସି ଅଧ୍ୟକ୍ଷା ଶ୍ରୀମତୀ ଭାତ୍ରା ଧନ୍ୟବାଦ ଅର୍ପଣ କରିଥିଲେ।ବିଦ୍ୟାଳୟର ଶିକ୍ଷୟିତ୍ରୀ ଜୟଶ୍ରୀ ବହିଦାର, ଚିତ୍ରରେଖା ଜେଠୀ, ସୁବାସିନୀ ହୋତା, ମିନତୀ ରାଣୀ ପଟ୍ଟନାୟକ, ସୂର୍ଯ୍ୟକାନ୍ତି ଜାଲ, ନିରୁପମା ମଲ୍ଲିକ, ଗାୟତ୍ରୀ କୁମାର ଓ ତପସ୍ଵିନୀ ସମେତ ରୋଷେୟାମାନେ ସହଯୋଗ କରିଥିଲେ ତତ୍ ସହିତ ଛାତ୍ର ଆୟୁଷ ପାତ୍ର ଓ ଛାତ୍ରୀ ଆରିୟା ଭାତ୍ରା ଉପସ୍ଥିତ ରହି ଗୁରୁ ବନ୍ଦନା ଗାନ କରିଥିଲେ।
