ଭବାନୀପାଟଣା: ସଦର ବ୍ଲକ ଆତ୍ମା ଜରିଆରେ ଖରିଫ ଋତୁ ପିଆଜ ଚାଷୀ କୃଷକ କ୍ଷେତ୍ର ବିଦ୍ୟାଳୟ ଗଣ୍ଡ ବରଝୋଲା ପଞ୍ଚାୟତ ଫୁକଝୁଡ଼ି ଗ୍ରାମରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ କୁ ସଦର ଏଏଚ୍ଓ ବିମଲ ନାଏକ ପରିଚାଳନା କରିଥିବାବେଳେ ମୁଖ୍ୟଅତିଥି ଭାବରେ ଆତ୍ମା ଅଧ୍ୟକ୍ଷ ସଚିଦାନନ୍ଦ ମହାଖୁଡ଼ ଯୋଗଦେଇ କୃଷି ସୂଚନା ପରାମର୍ଶ କମିଟିର ଭୂମିକା ସମନ୍ଧରେ ଆଲୋକପାତ କରିଥିଲେ।
ଏଥିରେ ତାଲିମଦାତା ଭାବରେ ଓୟୁଏଟି ପ୍ରଫେସର ଡ଼ଃ. ଉତ୍ତମ କୁମାର ବେହେରା ଯୋଗଦେଇ ପିଆଜ ଚାଷ ବାବଦରେ ସମସ୍ତ ଚାଷୀଙ୍କୁ ପ୍ରେରଣା ଦେଇଥିଲେ। ବିଟିଏମ କମଳ ସିଙ୍ଘ ରାଠୋର, ଏଟିଏମ୍ ମୋନାସିନୀ ମହାପାତ୍ର, ସୁଜିତ ନେଗି, ରମଣ ପ୍ରଧାନ, ସହକାରୀ ଉଦ୍ୟାନ ବିଭାଗ କର୍ମଚାରୀ ସନ୍ତୋଷ କୁମାର ସାହୁ ପ୍ରମୁଖ କାର୍ଯ୍ୟକ୍ରମକୁ ସହଯୋଗ କରିଥିଲେ। ପ୍ରୋଗ୍ରେସିଭ ଚାଷୀ ଜିତେନ ପାଲଙ୍କ ସହିତ ୩୦ରୁ ଅଧିକ ଚାଷୀ ଏଥିରେ ଯୋଗଦେଇଥିଲେ।
