ଓଡ଼ିଆ ବାର୍ତ୍ତା/ କଳାହାଣ୍ଡି (ରଜତ ବଂଶଳ): ଧର୍ମଗଡ ବ୍ଲକ ବେହେରା ସ୍ଥିତ ଦଣ୍ଡପାଟ ଯୁବ ସେବା ସଂଗଠନ ପକ୍ଷରୁ ଆଜି ୭୬ତମ ସ୍ବାଧୀନତା ଦିବସ ସ୍ଥାନୀୟ କାର୍ଯ୍ୟାଳୟ ପରିସରରେ ପଳିତ ହୋଇଯାଇଛି। ସଂଗଠନର ସଭାପତି ଭବେଶ ଗଇଁତା ଧ୍ବଜାରୋହଣ କରିବା ପରେ ଜାତୀୟ ସଂଗୀତ ଗାନ କରାଯାଇଥିଲା। ଦେଶକୁ ସ୍ବାଧୀନ କରିବା ପାଇଁ ଲଢେଇ କରିଥିବା ମହାପୁରୁଷମାନଙ୍କ ସ୍ମୃତି ଚାରଣ କରିବା ସହ ଦେଶର ଅଖଣ୍ଡତା ଓ ସାର୍ବଭୌମତା ବଜାୟ ରଖିବାକୁ ଆହ୍ୱାନ ଦେଇଥିଲେ ଶ୍ରୀ ଗଇଁତା। ଏହି ଅବସରରେ ଆଖପାଖ ଲୋକ, ଶିଶୁ ମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା। ସଂଗଠନ ସଂପାଦକ ଭୁଜବଳ ନାଏକ, ଶୁଶିଲ ଚନ୍ଦ୍ର ନାଗ, ଭିକାରୀ ଚରଣ ଗୋପାଳ, ତରେଶ କୁମାର ବିଶି, କ୍ଷୀରସିନ୍ଧୁ ବାଗ, ତ୍ରିଲୋକ ସିଂ, ହେମାଳ ବିଶି, ରିଙ୍କୁ ବିଶି, ଇଶ୍ବର ବାଣୁଆ ପ୍ରମୂଖ ଯୋଗ ଦେଇଥିଲେ।
