ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): ସରସ୍ବତୀ ଶିଶୁ ବିଦ୍ୟା ମନ୍ଦିର ମ.ରାମପୁରରେ ଜନ୍ମାଷ୍ଟମୀ ଉତ୍ସବ ମହାସମାରୋହରେ ପାଳିତ ହୋଇଯାଇଛି। ଏନେଇ ଆୟୋଜିତ କାର୍ଯ୍ୟକ୍ରମରେ ଅତିଥି ଭାବେ ବ୍ଲକ ପ୍ରାଣୀ ଚିକିତ୍ସା ଅଧିକାରୀ ଦିବ୍ୟ ରଞ୍ଜନ ଲେଙ୍କା ଓ ଧର୍ମପତ୍ନୀ ଅନ୍ୱେଷା ସ୍ୱାଇଁଙ୍କ ସମେତ ଅଶ୍ୱିନୀ ପଣ୍ଡା, ସଭାପତି, ଅଶୋକ ବିଶ୍ବାଳ, ଉପ ସଭାପତି, ରଜନୀ କାନ୍ତ ମହାଖୁଡ଼, ସମ୍ପାଦକ, ହେମନ୍ତ ସାହୁ, କୋଷାଧ୍ୟକ୍ଷ ଏବଂ ପବିତ୍ର ସାହୁ, ପ୍ରଧାନ ଆଚାର୍ଯ୍ୟ ମଞ୍ଚାସୀନ ଥିଲେ। ଶତାଧିକ ଛାତ୍ର ଛାତ୍ରୀ କୃଷ୍ଣ ଓ ରାଧା ବେଶରେ ସଜ୍ଜିତ ହୋଇଥିଲେ। ଶିଶୁ ମନ୍ଦିରର ଶିକ୍ଷାର୍ଥୀମାନେ ଶ୍ରୀକୃଷ୍ଣଙ୍କ ବିଷୟରେ ବକ୍ତବ୍ୟ ପ୍ରଦାନ କରିବାସହ ନୃତ୍ୟ ଗୀତ ପରିବେଷଣ କରିଥିଲେ। ଆରତି ମହାପାତ୍ର ମଞ୍ଚ ପରିଚାଳନା କରିଥିବାବେଳେ ସମସ୍ତ ଆଚାର୍ଯ୍ୟ/ଆଚାର୍ଯ୍ୟା ସହଯୋଗ କରିଥିଲେ। ଶେଷରେ ସମସ୍ତଙ୍କ ଉପସ୍ଥିତିରେ ଦଧି ହାଣ୍ଡି ଭଙ୍ଗା ଯାଇଥିଲା।
