ଅହିଂସା ରଥର ସ୍ଵାଗତ କାର୍ଯ୍ୟକ୍ରମ ନିମନ୍ତେ ରାୟଗଡା ଜିଲ୍ଲା ପ୍ରଶାସନର ପ୍ରସ୍ତୁତି ବୈଠକ

ଓଡ଼ିଆ ବାର୍ତ୍ତା/ ରାୟଗଡ଼ା (ଶିବ ନାରାୟଣ ଗୈାଡ): ରାୟଗଡ଼ା ଜିଲ୍ଲା ସଦର ବ୍ଲକ କାର୍ଯ୍ୟାଳୟର ସଦଭାବନା ସଭା ଗୃହ ଠାରେ ଆଜି ଅହିଂସା ରଥର ସ୍ଵାଗତ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଅତିରିକ୍ତ ଜିଲ୍ଲାପାଳ ଧର୍ମାନନ୍ଦ ବେହେରା ମୁଖ୍ୟ ଅତିଥି ରୂପେ ଯୋଗ ଦେଇଥିଲେ । ଜିଲ୍ଲା ମଙ୍ଗଳ ଅଧିକାରୀ ଅଶୋକ ଶତପଥୀ, ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ସସ୍ମିତା ବାଉରୀ, ଜିଲ୍ଲା ସମାଜ ମଙ୍ଗଳ ଅଧିକାରୀ ଶ୍ରୀମତୀ ଜାଜ୍ଞସେନୀ ବେହେରା, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବସନ୍ତ କୁମାର ପ୍ରଧାନ, ରାୟଗଡ଼ା ବିଡିଓ ଲକ୍ଷ୍ମୀନାରାୟଣ ସାବତ, ଏବିଡିଓ କାଳୁଚରଣ ନାୟକ, ଜେମାଦେଇପେଣ୍ଠ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଡା.ପ୍ରଦୀପ୍ତ କୁମାର ସୁବୁଦ୍ଧି, ଏବିଇଓ ଛବିଲାଲ ସିଂ, ସିଡିପିଓ ମୀନାକ୍ଷୀ ଦାଶ , ଜିପିଇଓ ଗୋପାଳ ପଣ୍ଡା ତଥା ଜୀବିକା ମିଶନ, ମିଶନ ଶକ୍ତି, ରାୟଗଡ଼ ପୌରପାଳିକାର କର୍ମକର୍ତ୍ତା ଓ ପଞ୍ଚାୟତ ନିର୍ବାହୀ ଅଧିକାରୀ ପ୍ରମୁଖ ଉପସ୍ଥିତ ଥିଲେ ।

Omkar Vasthu
Omkar Vasthu

Pearl dental clinic
Near Ashish Medical Store, Bhawanipatna

ଆସନ୍ତା ସେପ୍ଟେମ୍ବର ୧୭ ତାରିଖ ଦିନ ଦୁଇଟି ଅହିଂସା ରଥ କୋରାପୁଟ ଠାରୁ ବାହାରି ରାୟଗଡ଼ ଜିଲ୍ଲା ପ୍ରବେଶ କରିବେ । ପ୍ରଥମ ଦିନ ଗୋଟିଏ ରଥ ଟିକିରି, କାଶିପୁର, କଲ୍ୟାଣ ସିଂହପୁର ବ୍ଲକ୍ ଓ ଦ୍ଵିତୀୟ ରଥ ସାନ କୁଟୁଳି, କୁମ୍ଭିକୋଟା ଓ ଗୁମ୍ମା ଦେଇ ରାୟଗଡ଼ ପହଞ୍ଚିବ । ରାସ୍ତାରେ ଅହିଂସା ରଥର ସାଦର ସମ୍ମାନ ସହ ସାଂସ୍କୃତିକ କାର୍ଯ୍ୟକ୍ରମର କାର୍ଯ୍ୟସୂଚୀ ରହିଥିବା ଅତିରିକ୍ତ ଜିଲ୍ଲାପାଳ ଶ୍ରୀ ବେହେରା ପ୍ରକାଶ କରିଛନ୍ତି ।

Udyog Nursery
Udyogi Nursery

ରାୟଗଡ଼ା ସହିଦ ଲକ୍ଷ୍ମଣ ନାୟକଙ୍କ ପ୍ରତିମୂର୍ତ୍ତି ନିକଟରେ ରଥର ସସମ୍ମାନ ସ୍ଵାଗତ କରିବା ସହ ସହର ପରିକ୍ରମା ଓ ଅଶୋକ କଲ୍ୟାଣ ମଣ୍ଡପ ଠାରେ ସାଂସ୍କୃତିକ କାର୍ଯ୍ୟକ୍ରମ ରହିଛି । ସନ୍ଧ୍ୟାରେ ଏହି ରଥ କେରେଡ଼ା ଅଭିମୁଖେ ଯାତ୍ରା କରି ଅହିଂସାର ବାର୍ତ୍ତା ବହନ କରିବା ସହ ବ୍ୟାପକ ଜନସଚେତନତା ସୃଷ୍ଟି କରିବ ।

ପ୍ରକାଶ ଥାଉକି ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଅହିଂସା ରଥ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ବାରା ସ୍ୱାଧୀନତା ଦିବସ ଅବସରରେ ଉଦଘାଟିତ ହୋଇ ରାଜ୍ୟର ବିଭିନ୍ନ ଜିଲ୍ଲା ପରିକ୍ରମା କରିବା ସହ ଅହିଂସାର ଓ ସମୃଦ୍ଧିର ବାର୍ତ୍ତା ବହନ କରି ଜନସଚେତନତା ସୃଷ୍ଟି କରି ଆସୁଅଛି । ଏହା ରାୟଗଡ଼ ଜିଲ୍ଲାରେ ୧୭ ଠାରୁ ୧୯ ସେପ୍ଟେମ୍ବର ୨୦୨୨ ପର୍ଯ୍ୟନ୍ତ ୩ଦିନ ଧରି ସମସ୍ତ ବ୍ଲକ୍ ଓ ପୌରାଞ୍ଚଳ ବୁଲି ବ୍ୟାପକ ସଚେତନତା ସୃଷ୍ଟି କରିବ । ସଚେତନତା ରଥର ସ୍ଵାଗତ ନିମନ୍ତେ ଜିଲ୍ଲାବାସୀ ଗଭୀର ଆଗ୍ରହ ପ୍ରକାଶ କରିଥିବା ସୂଚନା ଓ ଲୋକ ସମ୍ପର୍କ ଅଧିକାରୀ ବସନ୍ତ କୁମାର ପ୍ରଧାନ ପ୍ରକାଶ କରିଛନ୍ତି ।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.