ସୁପ୍ରିମକୋର୍ଟର କଲେଜିୟମ ବ୍ୟବସ୍ଥାକୁ କେନ୍ଦ୍ର ଆଇନ୍ ମନ୍ତ୍ରୀ କିରଣ ରିଜଜୁଙ୍କ ସମାଲୋଚନା 

ଆଇନ ମନ୍ତ୍ରୀ କହିଛନ୍ତି ଯେ କୋର୍ଟ କିମ୍ବା କିଛି ବିଚାରପତିଙ୍କ ନିଷ୍ପତ୍ତି ସମ୍ବିଧାନ ପାଇଁ ସମ୍ପୂର୍ଣ୍ଣ ଅପରିଚିତ ବା ଏଲିଏନ ହୋଇପାରେ। ଏପରି ପରିସ୍ଥିତିରେ ଆପଣ କିପରି ଆଶା କରିପାରିବେ ଯେ ଦେଶ ସେହି ନିଷ୍ପତ୍ତିକୁ ସମର୍ଥନ କରିବ। ରିଜିଜୁ କହିଛନ୍ତି ଯେ ଆମ ସମ୍ବିଧାନ ପ୍ରତି କଲେଜିୟମ୍ ସିଷ୍ଟମ୍ ସଂପୂର୍ଣ୍ଣ ଭାବେ ଅପରିଚିତ । ସେ କହିଥିଲେ, ତୁମେ ମୋତେ କୁହ କେଉଁ ବ୍ୟବସ୍ଥାରେ କଲେଜିୟମ୍ ସିଷ୍ଟମ୍ ଉଲ୍ଲେଖ କରାଯାଇଛି। ଆଇନ ମନ୍ତ୍ରୀ ରିଜିଜୁ କହିଛନ୍ତି ଯେ କଲେଜିୟମ ବ୍ୟବସ୍ଥା ଆମ ସମ୍ବିଧାନଠାରୁ ଭିନ୍ନ। ସେ କହିଛନ୍ତି ଯେ କଲେଜିୟମ୍ ସିଷ୍ଟମରେ ତ୍ରୁଟି ରହିଛି ଏବଂ ଲୋକମାନେ ଏହି ବ୍ୟବସ୍ଥା ବାବଦରେ ସ୍ୱଚ୍ଛ ନୁହେଁ ବୋଲି ସ୍ୱର ଉତ୍ତୋଳନ କରୁଛନ୍ତି। କୌଣସି ଉତ୍ତରଦାୟିତ୍ୱ ମଧ୍ୟ ନାହିଁ ବୋଲି ସେ କହିଛନ୍ତି।

ଆଇନ ମନ୍ତ୍ରୀ କହିଛନ୍ତି ଯେ ଯଦି ସୁପ୍ରିମକୋର୍ଟ କୌଣସି ସୁପାରିଶ ପଠାଉଛନ୍ତି ତାହେଲେ ସରକାରଙ୍କୁ ମଧ୍ୟ ଅନେକ ପରିଶ୍ରମ କରିବାକୁ ପଡୁଛି । ଆଇନ ମନ୍ତ୍ରୀ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଯେପର୍ଯ୍ୟନ୍ତ ଅନ୍ୟ କିଛି ବ୍ୟବସ୍ଥା ଆସିନାହିଁ ସେ ପର୍ଯ୍ୟନ୍ତ ସରକାର କଲେଜିୟମ ବ୍ୟବସ୍ଥାକୁ ସମ୍ମାନ କରୁଛନ୍ତି। ପରବର୍ତ୍ତୀ ବ୍ୟବସ୍ଥା କିପରି ହେବା ଉଚିତ ସେ ନେଇ ଏବେ ସେ ବିତର୍କ କରିବାକୁ ଚାହୁଁନାହାନ୍ତି ବୋଲି କହିଛନ୍ତି । ସେ କହିଛନ୍ତି ଯେ ଏଥିପାଇଁ ଏକ ସଠିକ ପରିସ୍ଥିତିକୁ ଅପେକ୍ଷା କରାଯାଇଛି। ସଂସଦ ପ୍ରାୟ ସର୍ବସମ୍ମତି କ୍ରମେ କଲେଜିୟମ ସିଷ୍ଟମକୁ ବଦଳାଇବା ପାଇଁ ଜାତୀୟ ନ୍ୟାୟିକ ନିଯୁକ୍ତି ଆୟୋଗ ( NJAC) ଅଧିନିୟମ ପାରିତ କଲା, କିନ୍ତୁ ସୁପ୍ରିମକୋର୍ଟ ଏହି ଆଇନକୁ ଖଣ୍ଡନ କରିଦେଇଥିଲେ।

କେନ୍ଦ୍ର ମନ୍ତ୍ରୀ ରିଜିଜୁ କହିଛନ୍ତି ଯେ ପର୍ଯ୍ୟନ୍ତ କଲେଜିୟମ ସିଷ୍ଟମ ଚାଲିବ, ସେ ପର୍ଯ୍ୟନ୍ତ ଏହି ବ୍ୟବସ୍ଥାକୁ ସମ୍ମାନ କରିବାକୁ ପଡ଼ିବ। ନିକଟରେ ସୁପ୍ରିମକୋର୍ଟ କିଛି ବିଚାରପତି ନିଯୁକ୍ତି ପାଇଁ ନାମ ସୁପାରିଶ କରିଥିଲେ। କିନ୍ତୁ ସୁପ୍ରିମକୋର୍ଟ କହିଛନ୍ତି ଯେ ସରକାର ନିଯୁକ୍ତି ବିଳମ୍ବ କରିଛନ୍ତି। କେନ୍ଦ୍ର ଫାଇଲ ଉପରେ ବସିଛନ୍ତି ବୋଲି କେହି କହିବା ଉଚିତ୍ ନୁହେଁ ବୋଲି କେନ୍ଦ୍ର ମନ୍ତ୍ରୀ କହିଛନ୍ତି। ଆଇନ ମନ୍ତ୍ରୀ କେବେ କାହାକୁ କହିଛନ୍ତି, “ଫାଇଲଗୁଡ଼ିକୁ ଆଉ ସରକାରଙ୍କୁ ପଠାନ୍ତୁ ନାହିଁ ବୋଲି ରିଜଜୁ ପ୍ରଶ୍ନ କରିଛନ୍ତି । ଆପଣ ନିଜେ ନିଜକୁ ନିଯୁକ୍ତ କରନ୍ତି । ଏଠାରେ କୌଣସି ସିଷ୍ଟମ୍ କାମ କରେ ନାହିଁ। କାର୍ଯ୍ୟନିର୍ବାହୀ ଏବଂ ନ୍ୟାୟପାଳିକାକୁ ଏକାଠି କାମ କରିବାକୁ ପଡ଼ିବ।