ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ସାମ୍ବାଦିକ ସମୂହର ବନ୍ଧୁ ମିଳନ କାର୍ଯ୍ୟକ୍ରମ ସ୍ଥାନୀୟ ଚିପୁଲ ନର୍ସରୀ ଠାରେ ଅନୁଷ୍ଠିତ ହୋଇଯାଇଛି । ନର୍ଲା ସମ୍ବାଦ ପ୍ରତିନିଧି ବରିଷ୍ଠ ସାମ୍ବାଦିକ ଅଭିରାମ ନନ୍ଦଙ୍କ ନେତୃତ୍ୱରେ ଏହି ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ନର୍ଲା ବ୍ଲକ୍ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, ନର୍ଲାରୋଡ ଜୟଦୁର୍ଗା ହାଇସ୍କୁଲର ବରିଷ୍ଠ ଶିକ୍ଷକ ଯୁବ ବିଜ୍ଞାନୀ ସନ୍ତୋଷ କୁମାର କର, ବରିଷ୍ଠ ସାମ୍ବାଦିକ ହେମନ୍ତ ସାହୁ, ଅନନ୍ତ ପାଲ ଓ ସୁଭେନ ପଟ୍ଟନାୟକ ପ୍ରମୁଖ ଅତିଥିଭାବେ ଯୋଗଦାନ କରିଥିଲେ । ନର୍ଲା ସାମ୍ବାଦିକ ମାନଙ୍କ ମଧ୍ୟରେ ଓଡ଼ିଆ ବାର୍ତ୍ତାର ସଂପାଦକ ସୁନୀଲ ଧଙ୍ଗଡ଼ାମାଝୀ, ଦୀପକ ମହାନ୍ତି, ଅନୀଲ ଅଗ୍ରୱାଲ, ନିରଞ୍ଜନ ଗଉଡ଼, ସୁମିତ ଶର୍ମା, ଅଭିରାମ ନନ୍ଦ, ରଞ୍ଜନ ମହାନ୍ତି, ନୀଳକଣ୍ଠ ବେହେରା, ବିରଞ୍ଚି କରୁଆଁ, ଗୁପ୍ତେଶ୍ଵର ହାତୀ, ଅଜୟ ପଣ୍ଡା, ଭିକାରୀ ଗଉଡ଼, ଗଣେଷ ଭୋଇ, ତପନ ସାହୁ, ଲିଙ୍ଗରାଜ ମିଶ୍ର ପ୍ରମୁଖ ଯୋଗଦାନ କରି କାର୍ଯ୍ୟକ୍ରମ ପରିଚାଳନା କରିଥିଲେ । ଇତ୍ୟବସରରେ ଅନୁଷ୍ଠିତ ଏକ ଆଲୋଚନା ଚକ୍ରରେ ନର୍ଲାର ବିଭିନ୍ନ ସମସ୍ୟାକୁ ନେଇ ଆଲୋଚନା କରାଯିବା ସହ ନର୍ଲାରେ କାର୍ଯ୍ୟରତ ସାମ୍ବାଦିକ ବନ୍ଧୁମାନେ ଏକ ସୂତ୍ରରେ ବାନ୍ଧିହୋଇ ଭାଇଚାରାର ସହ ଉତ୍ତମ ସମନ୍ୱୟରେ କାର୍ଯ୍ୟକରିବା ପାଇଁ ମତ ପ୍ରକାଶ ପାଇଥିଲା । ଶେଷରେ ଫୋକସ ପ୍ଲସ ସାମ୍ବାଦିକ ରଞ୍ଜନ ମହାନ୍ତି ଧନ୍ୟବାଦ ଅର୍ପଣ କରିଥିଲେ ।
