ଭୁବନେଶ୍ବର,୩/୫ : ବାତ୍ୟା ଫନୀ ପୁରୀରେ ସ୍ଥଳଭାଗ ଛୁଇଁବା ପରଠାରୁ ତାର ତାଣ୍ଡବ ରଚି ଚାଲିଛି । ଏହି ବାତ୍ୟାର କରାଳ ରୂପରେ ଉପକୂଳବାସୀ ଭିତତ୍ରସ୍ଥ ହୋଇ ପଡିଛନ୍ତି । ଫନୀର ମୁକାବିଲା କରିବା ପାଇଁ ଏନଡିଆରଏଫ, ଓଡ୍ରାପ ଆଦି ମୁତୟନ ହେବା ସହ ଜିଲ୍ଲା ପ୍ରସାଶନ ସବୁ ଜାଗ୍ରତ ଅଛନ୍ତି । ଅନେକ ପୁରୁଣା ମହାଦୃମ ସବୁ ଉପୁଡି ପଡିବା ସହ ବିଦ୍ୟୁତ ଖୁଣ୍ଟ ସବୁ କ୍ଷତିଗ୍ରସ୍ଥ ହୋଇ ବିଦ୍ୟୁତ ସରବରାହ ବନ୍ଦ ରହିଛି ।

Omkar Vasthu

ପ୍ରବଳ ବର୍ଷା ଓ ଅଣଚାସ ପବନ ଯୋଗୁଁ ପୁରୀର ମାଟି ଘର ସବୁ କ୍ଷତିଗ୍ରସ୍ଥ ହେବା ସହ ପୁରୁଣା କୋଠାସବୁ ଭୁଷୁଡି ପଡିଛି । ବର୍ତ୍ତମାନ ସୁଦ୍ଧା ପୁରୀରେ ୧୬୦ ଜଣ ଆହତ ହୋଇଥିବା ସୂଚନା ଦେଇଛନ୍ତି PIEB ଡିଜି ସିତାଂଶୁ କର । ସେହିପରି ଭାବେ NDRF ଡିଜି ଏସକେ ପ୍ରଧାନ କହିଛନ୍ତିକି ବର୍ତ୍ତମାନ ସୁଦ୍ଧା ବାତ୍ୟାରେ ୩ ଜଣଙ୍କ ମୃତ୍ୟୁ ଘଟିଛି । ଆଗକୁ ମୃତ୍ୟୁହାର ରୋକିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି ।