କୋକସରା,୨୭/୫, କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ବରାଡୋଙ୍ଗା ସୁପାଡ ରାସ୍ତା କଡରେ ଆଜି ସକାଳେ ଜଣେ ଯୁବକ ପଡିରହିଥିବା ସ୍ଥାନୀୟ ଲୋକେ ଆମପାଣି ଥାନା ପୋଳିସକୁ ଖବର ଦେଇଥିଲେ । ଖବର ପାଇଁ ଆମପାଣି ଥାନା ଏ.ଏସ.ଆଇ. ଝଜନେଶ୍ୱର ନାଏକ ଘଟଣା ସ୍ଥଳରେ ପହଂଚି ଯୁବକଙ୍କୁ ଉଦ୍ଧାର କରି କୋକସରା ଗୋଷ୍ଟି
ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ । ସେଠାରେ ଡାକ୍ତର ଚିକିତ୍ସା ପରେ ଯୁବକଙ୍କୁ ମୃତ ଘୋଷଣା
କରିଥିଲେ ।
ମୃତ ଯୁବକ ଜଣକ ଆମପାଣି ଥାନା ଅଧିନସ୍ତ ବଡପୋଡାଗୁଡା ଗ୍ରାମ ପଂଚାୟତ ଅନ୍ତର୍ଗତ ତେଲିଗୁଡା ଗ୍ରାମର ମୁକ୍ତେଶ୍ୱର ପୁଝାରୀ ( ୩୩) ବୋଲି ଜଣାପଡିଛି । ପୋଳିସ ସୂତ୍ରରୁ ମିଲିଥିବା ସୂଚନା ଅନୁସାରେ ମୃତ ମୁକ୍ତେଶ୍ୱର ସାଇକେଲ ଯୋଗେ ଶଶୂର ଘରୁ ନିଜ ଗାଁ କୁ ଫେରୁଥିବା ଜଣାପଡିଥିବା ବେଲେ ମୃତ୍ୟୁର କାରଣ ଅସ୍ପଷ୍ଟ ରହିଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରିଥିବା ବେଲେ ଆମପାଣି ଥାନା
କେସ୍ ନଂ- ୟୁଡି ୨/୧୯ ରେ ଏକ ମାମଲା ରୁଜୁ କରି ତଦନ୍ତ ଜାରିରହିଥିବା ଆମପାଣି ଥାନାଧିକାରୀ ସୂର୍ଯ୍ୟନାରଣ ପ୍ରଧାନ ସୂଚନା ଦେଇଛନ୍ତି ।
କୋକସରା ପ୍ରତିନିଧି ହିରଣ୍ୟ ବେହେରାଙ୍କ ରିପୋର୍ଟ odiabarta.in
