ଓଡ଼ିଆ ବାର୍ତ୍ତା/ କଳାହାଣ୍ଡି (ଗଜିନ୍ଦ୍ର ସାହୁ): ଦେଶ ସ୍ବାଧୀନତାର ୭୫ ବର୍ଷ ଅବସରରେ ପାଳନ ହେଉଛି ଆଜାଦୀ କୀ ଅମୃତ ମହୋତ୍ସବ। ଏହି ଅବସରରେ ହର ଘର ତ୍ରିରଙ୍ଗା, ହର ଘର ବୀମା ନାରା ଦେଇ ଭବାନୀପାଟଣା ସହରରେ ଭାରତୀୟ ଜୀବନ ବୀମା ନିଗମ ଭବାନୀପାଟଣା ଶାଖା ଅଭିକର୍ତ୍ତା ମହାସଂଘ ପକ୍ଷରୁ ଏକ ବିରାଟ ବାଇକ୍ ରେଲି ୧୪ ତାରିଖ ଦିନ ଅନୁଷ୍ଠିତ ହୋଇଯାଇଛି।ଭବାନୀପାଟଣା ଶାଖା ଅଭିକର୍ତ୍ତା ମହାସଂଘର ସଭାପତି ସରୋଜ କୁମାର ପଣ୍ଡାଙ୍କ ତତ୍ବାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ଭବାନୀପାଟଣା ଏଲ୍ଆଇସି କାର୍ଯ୍ୟାଳୟ ର ବରିଷ୍ଠ ଶାଖା ପ୍ରବନ୍ଧକ ସୁଶାନ୍ତ କୁମାର ସାହୁ ଯୋଗଦେଇ ବାଇକ୍ ରେଲିକୁ ପତାକା ଦେଖାଇ ଶୁଭାରମ୍ଭ କରିଥିଲେ । ଏଥିରେ କ୍ଷେତ୍ର ଅଧିକାରୀ ଅଶୋକ କୁମାର ପଣ୍ଡାଙ୍କ ସମେତ ଅଭିକର୍ତ୍ତା ମହାସଂଘ ର ଉପ ସଭାପତି ଯଦୁମଣି ସାହୁ, ବ୍ରହ୍ମପୁର ମଣ୍ଡଳ ସଂପାଦକ ଜିତେନ୍ଦ୍ରୀୟ କର, ମୃତ୍ୟୁଞ୍ଜୟ ସାହୁ, ପଞ୍ଚାନନ ମୁଣ୍ଡ, ଜନ୍ମେଜୟ ଦାସ, ଗଗନ ବିହାରୀ ରାଉତ ପ୍ରମୁଖ ଅନେକ ଅଭିକର୍ତ୍ତା ଅଂଶଗ୍ରହଣ କରିଥିଲେ ।
