ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): କଳାହାଣ୍ଡି ଜିଲ୍ଲା ମ.ରାମପୁର ସାର୍ବଜନୀନ ଦୁର୍ଗା ପୂଜା ନିମନ୍ତେ ନୂତନ କର୍ମକର୍ତ୍ତା ନିର୍ବାଚନ ଓ ଏହାର ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି। ସଭାପତି ପ୍ରଶାନ୍ତ ସାମନ୍ତରାଙ୍କ ଅଧକ୍ଷତାରେ ଅନୁଷ୍ଠିତ ଏହି ବୈଠକରେ ସଂପାଦକ ହେମନ୍ତ ସାହୁ ପୂର୍ବ ବୈଠକର ବିବରଣୀ ଉପସ୍ଥାପନ କରିବା ସହ ଗତ ବର୍ଷ ଦୁର୍ଗା ପୂଜାର ଆୟ ବ୍ୟୟ ଉପସ୍ଥାପନ କରିଥିଲେ। ପରେ ଚଳିତ ବର୍ଷ ପାଇଁ ନୂତନ କର୍ମକର୍ତ୍ତା ନିର୍ବାଚନ ହେଇଥିଲା। ସର୍ବ ସମ୍ମତି କ୍ରମେ ସଭାପତି ଭାବରେ ଚିରାଗ ସିଂଦେଓ, ସଂପାଦକ ତାପସ ମିଶ୍ର, ଉପସଭାପତି ପ୍ରବୀଣ ଦୁବେ (ମଣ୍ଟୁ), ସହ ସଂପାଦକ ପାଂଡବ ମେହେର, ସାଂସ୍କୃତିକ ସଂପାଦକ ଶିବ ଶଂକର ପଟ୍ଟନାୟକ, ଦାଶରଥି ଧଙ୍ଗଡାମାଝୀ, ବିଭୂତି ଭୂଷଣ ମହାଖୁଡ, ପୂଜା ମୁଖ୍ୟ ଶିବ ପ୍ରସାଦ ଶତପଥୀ, ସହଯୋଗୀ ପ୍ରଶାନ୍ତ ସାମନ୍ତରା, ମାନ ଭଂଜନ ଦାଶଙ୍କୁ ମନୋନୀତ କରାଯାଇଥିଲା।
