ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କଳାହାଣ୍ଡି ଜିଲ୍ଲା କୋକସରା ବ୍ଲକର ଆମପାଣି ଘାଟିରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଆଜି ଏଠାରେ ଏକ ଯାତ୍ରୀବାହୀ ସରକାରୀ ବସ୍ ଓ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଜୟପୁରରୁ ଭବାନୀପାଟଣା ଆସୁଥିବା ବସ୍ ଓ ନବରଙ୍ଗପୁର ପଟେ ଯାଉଥିବା ମାଲବୋଝେଇ ଟ୍ରକ ମଧ୍ୟରେ ହୋଇଛି ମୁହାଁମୁହିଁ ଧକ୍କା। ବସ୍ ଓ ଟ୍ରକର ଆଗପଟ ଦୁର୍ଘଟଣାରେ ଚୁରମାର ହୋଇଥିବା ବେଳେ ଉଭୟ ଗାଡି ଡ୍ରାଇଭର ସମେତ କିଛି ଯାତ୍ରୀ ଦୁର୍ଘଟଣାରେ ଗୁରୁତର ଥିବା ଜଣାପଡିଛି। ସୂଚନା ପାଇ ଘଟଣାସ୍ଥଳରେ ଆମପାଣି ପୁଲିସ ଓ ଦମକଲ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ଘାଟି ରାସ୍ତାରେ ଟ୍ରାଫିକ ଜାମ ରହିଛି।
