ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): ପନ୍ଦର ଦିନ ଆଗରୁ ଆରମ୍ଭ ହେଇଥିବା କାମନା ଦଣ୍ଡ ଯାତ୍ରାର ଆଜି କାଳୀ ପୂଜା ସମ୍ପନ୍ନ ହେଇ ଯାଇଚି । ସମସ୍ତ ଦଣ୍ଡ ପୀଠରେ ଦିହାରୀ ମାନଙ୍କ ମୁଣ୍ଡରେ ମା କାଳୀ ସବାର ହେଇ ଜିଲ୍ଲାର ବିଭିନ୍ନ ବ୍ଲକ୍ ରୁ ଭକ୍ତ ମାନେ ପୀଠ ଗୁଡ଼ିକ ରେ ପହଞ୍ଚ ମାଙ୍କ ପାଖ ରେ ନିଜ ନିଜ ହାରି ଗୁହାରୀ ଜଣାଇବା ସହ ମାଆଙ୍କ ଠାରୁ ଆଶିଷ ଲାଭ କରିଥିଲେ । ଏହି ବ୍ଲକ ରେ ଥିବା ତଳ ସାଗର ପଡା, ବୁରାଟ, ପାଣ୍ଡକାମାଲ୍, (କଲୋନୀ ପଡା), ଶୁନ୍ଧୀପଦା, ସୀର୍କିହେଜୁ, ବମକ ଆଦି କାମନା ଦଣ୍ଡ ପୀଠ ରେ ବହୁ ଆଡମ୍ବର ସହକାରେ ପୂଜା ସମ୍ପନ୍ନ ହେଇ ଯାଇଚି । ପ୍ରତି ପୀଠ ରେ ଶହ ଶହ ଶ୍ରଦ୍ଧାଳୁ ଙ୍କ ଭିଡ଼ ଲାଗି ରହିଥିଲା । ହୋମ, ଯଜ୍ଞ, ନିତିକାନ୍ତି ସହ ପାଟ ଦଣ୍ଡୁଆ, ପାଟ ଭୋକ୍ତା, ଦଣ୍ଡ ଗୁରୁଙ୍କ ନେତୃତ୍ୱରେ ପୂଜା କରା ଯାଇଛି । କାଳୀ ପୂଜା କାମନା ଦଣ୍ଡର ଶେଷ ଯାତ୍ରା ହେଇଥାଏ । ଏହାର ଆଠ ଦିନ ପରେ ଆଠୁଆରି ପୂଜା ସହ ଏହି ଯାତ୍ରା ସମ୍ପୂର୍ଣ୍ଣ ଭାବେ ଗୋଟିଏ ବର୍ଷ ପାଇଁ ସମାପନ ହେବ ।
