ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ଥାନା ସ୍ଥିତ ଡ଼ୁମାଲପଡା ଠାରେ ଥିବା ସତସଙ୍ଗ କେନ୍ଦ୍ର ଠାରୁ ଚୋରୀ ଘଟଣାର ପର୍ଦାଫାଶ ହୋଇଛି l ଏଥିରେ ସଇଁତଲା ପୋଲିସ ଥାନା କେଶ ନଂ ୨୫୯/୨୩ ରେ ଏକ ମାମଲା ରୁଜୁ କରି ଜଣେ ନାବାଳକ ସହ ଜଣେ ଯୁବକଙ୍କୁ ଗିରଫ କରି ଟିଟିଲାଗଡ଼ ଓ ଅନ୍ୟ ନାବାଳକଙ୍କୁ ଭୂବାନୀପାଟଣା ଜେଲ ହାଜତକୁ ପଠାଯାଇଛି l ଗିରଫ ଅଭିଯୁକ୍ତ ଜଣକ ନାମ ମନରଞ୍ଜନ ମହାନନ୍ଦ ଗ୍ରାମ ସଇଁତଲା ଡ଼ୁମାଲପଡା ବୋଲି ଜଣାପଡିଛି l ପ୍ରକାଶ ଯେ, ସଇଁତଲା ଠାରେ ଥିବା ସତସଙ୍ଗ କେନ୍ଦ୍ରରୁ ଗତ ୨ ତାରିଖ ବିଳମ୍ବିତ ରାତ୍ରିରେ କେତେକ ଦୁର୍ବୁତ୍ତ କେନ୍ଦ୍ର ପଶି ରୋଷେଇ ପାଇଁ ବ୍ୟବହାର ହେଉଥିବା ସାମଗ୍ରୀ ଗୁଡିକକୁ ଚୋରୀ କରି ନେଇଥିଲେ l ଏ ନେଇ ଅନୁଷ୍ଠାନର ସଦସ୍ୟ ଆର୍ତ୍ତତ୍ରାଣ ଷଡ଼ଙ୍ଗୀ ସଇଁତଲା ଥାନାରେ ଲିଖିତ ଏତଲା ଦେଇଥିଲେ l ଏହାକୁ ଭିତ୍ତି କରି ଥାନା ଆଇଆଇସି ଅବନୀ କୁମାର ସାହୁଙ୍କ ତତ୍ତ୍ୱବଧାନରେ ଏଏସଆଇ ଥବିର ମହାରଣା ତଦନ୍ତ ଆରମ୍ଭ କରି ଚୋର ସହ ସାମଗ୍ରୀଗୁଡିକକୁ ମଧ୍ୟ ଉଦ୍ଧାର କରିଛନ୍ତି l ଏହାପରେ ଉଭୟଙ୍କୁ ଡାକ୍ତରୀ ପରୀକ୍ଷା କରି କୋର୍ଟ ଚାଲାଣ କରାଯାଇଛି l ଏଥିରେ ୧୦ ଟି ବାଲଟି, ୯ ଗୋଟି ଡିସ୍କ ଓ ୨ ଟି ପରାଟ ଉଦ୍ଧାର କରାଯାଇଛି l
