ନାଟକ ‘ଅସତି ତୁଳସି ସତୀ ଚଉରା’ ମଞ୍ଚସ୍ଥ
ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ବ୍ଲକ ଅନ୍ତର୍ଗତ ମେଦିନିପୁରସ୍ଥିତ ‘ଜୟ ଭୈରବ ନାଟ୍ୟ ସଂସଦ’ର ୨୯ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏ ଅବସରରେ ଅନୁଷ୍ଠାନର କଳାକାରମାନଙ୍କ ଦ୍ୱାରା ନାଟକ ‘ଅସତି ତୁଳସି ସତୀ ଚଉରା’ ମଞ୍ଚସ୍ଥ ହୋଇଥିଲା। ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ କାମଠଣା ସରପଞ୍ଚ ଲୋକନାଥ ଦୁର୍ଗା, ମୁଖ୍ୟବକ୍ତା ଶରତଚନ୍ଦ୍ର ସାହୁ, ସମ୍ମାନୀତ ଅତିଥି ମେଦିନୀପୁର ସମିତି ସଭ୍ୟ, ପୂର୍ବତନ ସମିତି ସଭ୍ୟ ଚୁଡ଼ାମଣି ସାହୁ, ନାଟ୍ୟ ନିର୍ଦ୍ଦେଶକ ହିମାଂଶୁ ପଟ୍ଟନାୟ, ନିର୍ଦ୍ଦେଶକ ପିତାମ୍ବର ମହାରଣା ପ୍ରମୁଖ ଯୋଗଦେଇଥିଲେ। ମଞ୍ଚ ପରିଚାଳନା କରିଥିଲେ ଦେବେନ୍ଦ୍ର ସାହୁ। ଧନ୍ୟବାଦ ଦେଇଥିଲେ ଅନୁଷ୍ଠାନର ସଭାପତି ତ୍ରିମୋହନ ସାହୁ। ସେହିପରି ଦ୍ଵିତୀୟ ଦିନରେ ନାଟକ ‘ଆଖି ଅବୁଝାକୁ ଲୁହ ଅବୁଝା’ ମଞ୍ଚସ୍ଥ ହେବ ବୋଲି ସଂସଦ ପକ୍ଷରୁ। ସୂଚନା ଦିଆଯାଇଛି।
