ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ହାଇସ୍କୁଲ ପଡ଼ିଆଠାରେ ଏକ ଖେଳକୁଦ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏକଲ ଅଭିଯାନ ନର୍ଲା ସଂଚ ଓ ବନବନ୍ଧୁ ପରିଷଦ ପକ୍ଷରୁ ଆୟୋଜିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାଣ୍ଡେଲ ସରପଞ୍ଚ ପଦ୍ମ ଲୋଚନ ଜାଲ ଯୋଗଦେଇ ବିଭିନ୍ନ ଗ୍ରାମରୁ ଆସିଥିବା କୁନି କୁନି ଶିଶୁ ଖେଳାଳିମାନଙ୍କୁ ଉତ୍ସାହିତ କରିଥିଲେ। ଏକଲ ଅଭିଯାନ ନର୍ଲା ସଂଚ ସଭାପତି ବଦ୍ରି ପ୍ରସାଦ ମିଶ୍ର, ସଂପାଦକ ସାରଥି ନାଏକ, ରାକ୍ସି ଉଚ୍ଚ ବିଦ୍ୟାଳୟର କ୍ରୀଡ଼ା ଶିକ୍ଷକ ଶଙ୍କର୍ଷଣ ଗୈାଡ, ପୂର୍ବତନ ଜିଲ୍ଲା ପରିଷଦ ସଦସ୍ୟ ପ୍ରଦୀପ କୁମାର ନାଏକ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ନର୍ଲା ସଂଚ ପ୍ରମୁଖ ରୋମାଞ୍ଚଳ ଧଙ୍ଗଡାମାଝୀ, ମ.ରାମପୁର ସଂଚ ପ୍ରମୁଖ ଅଞ୍ଜନ କୁମାର ପାତ୍ର ଓ କର୍ଲାମୁଣ୍ଡା ସଂଚ ପ୍ରମୁଖ ନିର୍ମଳ ରଣା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
