ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୋନପୁର ସହରର ବିଭିନ୍ନ ଅପରାଧରେ ସଂପୃକ୍ତ ଥିବା ତିନି ଜଣ ଅଭିଯୁକ୍ତଙ୍କୁ ସୋନପୁର ପୋଲିସ କୋର୍ଟ ଚାଲାଣ କରିଥିବା ଜଣାପଡ଼ିଛି। ଗତକାଲି ରାତିରେ ସୋନପୁର ତେଲ ବ୍ରିଜ ଠାରେ ଏସଡିପିଓ ଶ୍ରୀ ତ୍ରୀପାଠୀଙ୍କ ନେତୃତ୍ଵରେ ଥାନା ଅଧିକାରୀ ପଦ୍ମାସିନୀ ମେହେରଙ୍କ ତତ୍ତ୍ଵାବଧାନରେ ଓ ସୋନପୁର ଥାନାର ପୋଲିସ ଅଧିକାରୀ ମାନଙ୍କ ଉପସ୍ଥିତିରେ ନାଇଟ ବ୍ଲକିଂ କରଯାଇ ବିଭିନ୍ନ ଗାଡ଼ିକୁ ସର୍ଚ୍ଚ କରଯାଇଥିଲା। ପରେ ପରେ ସହରର ବିଭିନ୍ନ ଅଞ୍ଚଳରେ ୱାରେଣ୍ଟ ଡ୍ରାଇଭ୍ ଓ ଚଢ଼ାଉ ବେଳେ ୩ ଜଣ ପୁରୁଣା ୱାରେଣ୍ଟି ବା ଅପରାଧୀ ମାନଙ୍କୁ ଗିରଫ କରିଥିବା ଜଣାପଡ଼ିଛି। ଏହି ୱାରେଣ୍ଟିମାନେ ହେଲେ ସୁନିଲ କଂସାରୀ, ଭୁବନ ବେହେରା ଓ ବିଶାଳ ଡୁଙ୍ଗୁରିଆ। ସୁବର୍ଣ୍ଣପୁର ଏସପିଙ୍କ ନିର୍ଦ୍ଦେଶ କ୍ରମେ ଅପରାଧ ନିୟନ୍ତ୍ରଣ ପାଇଁ ବର୍ତ୍ତମାନ ସହରରେ ସୋନପୁର ପୋଲିସ ଦ୍ବାରା ନାଇଟ ପେଟ୍ରୋଲିଙ୍ଗକୁ କଡ଼ାକଡ଼ି କରାଯାଉଥିବା ସୁଚନା ମିଳିଛି।
