ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): କଳାହାଣ୍ଡି ଜିଲ୍ଲା ମ.ରାମପୁର ରାଜ ପରିବାର ସଦସ୍ୟ କୁମାର ବିମଳ ଚନ୍ଦ୍ର ସିଂହ ଦେଓ (୮୯)ଙ୍କ ପରଲୋକ ହେଇ ଯାଇଛି । ସ୍ୱର୍ଗତ ରାଜା ଦୁର୍ଗା ମାଧବ ସିଂହ ଦେଓ ଙ୍କ ସାନ ପୁତ୍ର ବିମଳ ଚନ୍ଦ୍ର ମ.ରାମପୁର ମହାବିଦ୍ୟାଳୟ ର ପ୍ରତିଷ୍ଠାତା ସମ୍ପାଦକ ରହି ମହାବିଦ୍ୟାଳୟ ପ୍ରତିଷ୍ଠା ଦିଗରେ ଅଶୀ ଦଶକରେ ମୁଖ୍ୟ ଭୂମିକା ନିର୍ବାହ କରିଥିଲେ । ନବେ ଦଶକରେ ମ.ରାମପୁର ରେ ଶିଶୁ ମନ୍ଦିରର ପ୍ରତିଷ୍ଠାତା ସଭାପତି ରହି ଶିଶୁ ମନ୍ଦିର ଆରମ୍ଭ କରିଥିଲେ । ମ.ରାମପୁର ପଞ୍ଚାୟତ ସମିତି ର ଅଧ୍ୟକ୍ଷ ଭାବରେ ମଧ୍ୟ ମ.ରାମପୁରର ବିକାଶ ଦିଗରେ ଅନେକ କାର୍ଯ୍ୟ କରିଥିଲେ । ସେ ଦାନୀଏଲ ପବ୍ଲିକ ସ୍କୁଲ ର ପ୍ରତିଷ୍ଠା ପାଇଁ ମୁଖ୍ୟ ଭୂମିକା ଗ୍ରହଣ କରିଥିଲେ। ଶତାୟୁ ନାଟ୍ୟ ଅନୁଷ୍ଠାନ ଚନ୍ଦ୍ର ମଣି ନାଟ୍ୟ ସଂଘ ର ସଭାପତି ରହି ଦୀର୍ଘ ଦିନ ନିଜ ଦାୟିତ୍ଵ ସଂପାଦନ କରିଥିଲେ । ବିଭିନ୍ନ ସାମାଜିକ, ସାଂସ୍କୃତିକ ଅନୁଷ୍ଠାନ ଗୁଡିକରେ ନିଜକୁ ସମ୍ପୂର୍ଣ୍ଣ ଭାବରେ ନିୟୋଜିତ ରଖି କାର୍ଯ୍ୟ ସଂପାଦନ କରି ଆସୁଥିଲେ । ତେବେ ଗତ କିଛି ମାସ ଧରି ସେ ବାର୍ଦ୍ଧକ୍ୟ ଜନିତ ଅସୁସ୍ଥତା କାରଣରୁ ଘରେ ରହି ଥିଲେ । ସେ ଚିର କୁମାର ରହିଥିବା ବେଳେ ଆଜି ତାଙ୍କରି ପରଲୋକ ରେ ମ.ରାମପୁର ଅଞ୍ଚଳରେ ଶୋକର ଛାୟା ଖେଳି ଯାଇଛି ।
