ଓଡ଼ିଆ ବାର୍ତ୍ତା/ କଳାହାଣ୍ଡି (ନରୋତ୍ତମ ସେଲମା/ ଲିଙ୍ଗରାଜ ମିଶ୍ର): କର୍ଲାମୁଣ୍ଡା ବ୍ଲକ ସରଦାପୁର ଠାରେ କଂଗ୍ରେସ ପକ୍ଷରୁ ଏକ ନିର୍ବାଚନୀ ସଭା ଅନୁଷ୍ଠିତ ହୋଇଥିଲା। ଏଥିରେ ନର୍ଲା ନିର୍ବାଚନ ମଣ୍ଡଳୀ କଂଗ୍ରେସ ବିଧାୟକ ପ୍ରାଥୀ ଭକ୍ତ ଚରଣ ଦାସ ଯୋଗ ଦେଇ ଭୋଟ ଭିକ୍ଷା କରିଥିଲେ। ଏହି ଅବସରରେ କର୍ଲାମୁଣ୍ଡା ବ୍ଳକ ଉପାଧ୍ୟକ୍ଷ ସୁରେନ୍ଦ୍ର ଭୋଇ, ରେଗଡା ସମିତି ସଭ୍ୟା ଗେଲ କମ୍ପ, ସ.ମାଲପଡା ସମିତି ସଭ୍ୟ ଗୋଲାପ ସାହୁ, ବୋରପଦର ସମିତି ସଭ୍ୟା ଆରତୀ ସାହୁ, ରିଞ୍ଜା ସମିତି ସଭ୍ୟ ଆନନ୍ଦ ବାଗ ଓ ସାପଲହରା ସମିତି ସଭ୍ୟା ଦିଶାନ୍ତି ସୁନା ଆନୁଷ୍ଠାନିକ ଭାବେ କଂଗ୍ରେସରେ ସାମିଲ ହୋଇଛନ୍ତି। ଏହି ସଭାରେ ଅନ୍ୟମାନଙ୍କ ମଧ୍ୟରେ ଜିଲ୍ଲା କଂଗ୍ରେସ ସଭାପତି ଭାରତ ଭୂଷଣ ବେମାଲ, କର୍ଲାମୁଣ୍ଡା ବ୍ଳକ କଂଗ୍ରେସ ସଭାପତି ସୁରେଶ ଚୌଧୁରୀ, କଂଗ୍ରେସ ନେତା ଚିତ୍ତ ରଞ୍ଜନ ମଣ୍ଡଳ, କର୍ଲାମୁଣ୍ଡା ବ୍ଲକର ପୂର୍ବତନ ଅଧ୍ୟକ୍ଷା ତଥା କଂଗ୍ରେସ ନେତ୍ରୀ ମାଣିକ୍ୟ ସୁନା ପ୍ରମୁଖ ଉପସ୍ଥିତ ଥିଲେ।
