ଆଜିର ଦିନରେ ଭକତମାନଙ୍କୁ
ଦରଶନ ଦେବା ପାଇଁ
ଜଗତର ନାଥ କାଳିଆ ସାଆନ୍ତ,
ଆସିଅଛି ପରା ଧାଇଁ ।
ଭାଇଭଉଣୀଙ୍କୁ ସାଥୀରେ ଧରିକି
ରଥେ ପାଏ ଆଜି ଶୋଭା
କି’ ସୁନ୍ଦର ତାର ଅନନ୍ୟ ସ୍ୱରୂପ,
ଆହାଃ କେଡେ ମନଲୋଭା ।
ଭକତ ଟାଣିବେ ରଥକୁ ଆନନ୍ଦେ
ଆଜି ଭକତଙ୍କ ଦିନ
ଭକତିରେ ଆଜି ନାଚିଉଠୁଅଛି,
ମୋର ଏଇ ପାପୀମନ ।
ଚାରିଆଡେ ପରା ଭକତଙ୍କ ଭିଡ଼
ହରିବୋଲ ହୁଳହୁଳି
ଚନ୍ଦନ ସମ ଲାଗୁଅଛି କାଳିଆ,
ତୋ’ ବଡ଼ଦାଣ୍ଡର ଧୂଳି ।
ଏତିକି କାମନା ଭକତଙ୍କ ସବୁ
ଦୁଃଖକଷ୍ଟ ନିଅ ହରି
ତୁମରି ଦୟାରେ ଏ’ ସାରା ସଂସାରେ,
ସୁଖ ଓ ଶାନ୍ତିରେ ଭରି ।
ଭକତର ନାଆ ପାରି କରୁଥାଅ
ନାଉରୀଟେ ସାଜି ସଦା
ସଭିଙ୍କର ପ୍ରିୟ କାଳିଆ ଠାକୁର,
ଭକତ ଭାବରେ ବନ୍ଧା ।
ପବିତ୍ର ରଥଯାତ୍ରାର ଅଭିନନ୍ଦନ, ଜଗତର ନାଥ, ନୀଳାଦ୍ରି ବିହାରୀ ଶ୍ରୀ ଜଗନ୍ନାଥ, ଶ୍ରୀ ବଳଭଦ୍ର ଆଉ ଦେବୀ ସୁଭଦ୍ରା ସମସ୍ତ ଜଗତର ମଙ୍ଗଳ କରନ୍ତୁ
ସତ୍ୟଜିତ ସ୍ୱାଇଁ
ଅଡ଼ଶପୁର, କଟକ
