କର୍ଲାମୁଣ୍ଡା,୨୭/୧ : କଳାହାଣ୍ଡି ଜିଲ୍ଲା କର୍ଲାମୁଣ୍ଡା ସ୍ଥିତ ଜ୍ଞାନ ଭାରତୀ ଶିକ୍ଷାନୁଷ୍ଠାନରେ ଦଶମ ଶ୍ରେଣୀ ଶିକ୍ଷାର୍ଥୀମାନଙ୍କୁ ବିଦାୟୀ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଏନେଇ ଆୟୋଜିତ ସମାରୋହରେ ନବମ ଶ୍ରେଣୀ ଛାତ୍ରୀ ଲୋପାମୁଦ୍ରା ମିଶ୍ର ସ୍ୱାଗତ ସଂଗୀତ ଗାନ କରିଥିଲେ । ବିଜ୍ଞାନ ଶିକ୍ଷକ ପୃଥ୍ୱୀରାଜ ସାହୁ ସ୍ୱାଗତ ଭାଷଣ ଓ ପରିଚୟ ପ୍ରଦାନ କରିଥିବା ବେଳେ ଏମଡି କୋଦଣ୍ତ ସାହୁ, ସୁକାନ୍ତି ସାହୁ ପ୍ରମୂଖ ଉପସ୍ଥିତ ରହି ଆଗାମୀ ପରୀକ୍ଷା ପାଇଁ ଉତ୍ସାହିତ କରିଥିଲେ । ବିଦ୍ୟାଳୟର ହିନ୍ଦୀ ଶିକ୍ଷୟତ୍ରୀ ହେମଲତା ବାଗ ପିଲାମାନଙ୍କୁ ଶୃଙ୍ଖଳିତ ଜୀବନ ଯାପନ ଓ ପରୀକ୍ଷାରେ ଭଲ ମାର୍କ ରଖି ପରିଶ୍ରମି ହେବାକୁ କହିଥିଲେ । ବିଦ୍ୟାଳୟରେ ଓଡ଼ିଆ ଶିକ୍ଷକ ତପନ କୁମାର ସାହୁ ସାହିତ୍ୟ, ଶୃଙ୍ଖଳା, ଚରିତ୍ର ମାନବିକତାରେ ପରିପୂର୍ଣ୍ଣ ହେବାକୁ ଛାତ୍ରଛାତ୍ରୀଙ୍କୁ ବୁଝେଇ ଥିଲେ । ସୁଭାସିନି ତ୍ରିପାଠୀ, ମିତାରାଣୀ ସାହୁ,ଶର୍ମିଷ୍ଠା ଜାନୀ ସମସ୍ତ ଶିକ୍ଷୟତ୍ରୀ ମିଳିତ ଭାବରେ ସହଯୋଗ କରିଥିଲେ । ଶେଷରେ ଶିକ୍ଷୟତ୍ରୀ ସୁଜ୍ଞାନୀ କୁମାର ନାୟକ ଧନ୍ୟବାଦ ଅର୍ପଣ କରିଥିଲେ ।