କଳାହାଣ୍ଡି,୧୪/୫ (ନରୋତ୍ତମ ସେଲମା) କର୍ଲାମୁଣ୍ଡା ବ୍ଲକର ସର୍ବପୁରାତନ କଲେଜ ଜେ.କେ. ଉଚ୍ଚ ମାଧ୍ୟମିକ ବିଦ୍ୟାଳୟ ରିସିଡା ର ଯୁବ ରେଡ଼କ୍ରସ ଶାଖା ତରଫରୁ ଅବୁଜବାହାଲ କଲୋନି ପଡାରେ କରୋନା ସଚେତନତା ସୃଷ୍ଟି କରିବାସହ ମାସ୍କ ଓ ସାନିଟାଇଜର ବଣ୍ଟନ କରାଯାଇଛି । କଲେଜ ଅଧ୍ୟକ୍ଷ ପ୍ରଣୟ ଆନନ୍ଦ କୁମାର ତ୍ରିପାଠୀଙ୍କ ମାର୍ଗଦର୍ଶନରେ ଓ ରେଡ଼କ୍ରସ କାଉନସେଲର ଅଧ୍ୟାପକ ଗିରିରାଜ ଗହିରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ବିଦ୍ୟାଳୟ ର ଯୁବ ରେଡ଼କ୍ରସ୍ ସ୍ବେଛାସେବୀ ଛାତ୍ରୀ, ଏନ.ଏସ.ଏସ. ଅଫିସର ଅଧ୍ୟାପକ ନିଳାମ୍ବର ପାତ୍ର, ଗ୍ରନ୍ଥପାଳ ଚିନ୍ମୟ ରଣା, ଓ.ଡ଼ି.ଇ.ଓ. ସୌମ୍ୟରଞ୍ଜନ ତ୍ରିପାଠୀ ପ୍ରମୁଖ ଅଂଶଗ୍ରହଣ କରି ଗ୍ରାମ ବାସୀ ମାନଙ୍କୁ ସାମାଜିକ ଦୂରତ୍ୱର ଅନୁପାଳନ ପୂର୍ବକ କରୋନାର ମୁକାବିଲା କରିବା ପାଇଁ ବୁଝାଇଥିଲେ ।