କଳାହାଣ୍ଡି,୨୭/୫: ଗ୍ରାମାଞ୍ଚଳର ବିକାଶ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା ପ୍ରଣୟନ କରି ଚାଲିଥିବା ବେଳେ ଅନେକ ସମୟରେ ବିଭାଗିୟ କର୍ମଚାରୀଙ୍କ ପ୍ରିୟାପ୍ରତି ତୋଷଣ ଓ ଠିକାଦାର ପୋଷା ନିତି ଯୋଗୁଁ ସରକାରଙ୍କ ପ୍ରକୃତ ଲକ୍ଷ ସାଧିତ ହୋଇପାରୁ ନାହିଁ । ଏମିତି ଅନେକ ଚିତ୍ର ଆସି ପହଞ୍ଚିଛି କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକରୁ ।
କର୍ଲ।ମୁଣ୍ଡା ବ୍ଲକରେ ଆର୍.ଡ଼ି. ବିଭାଗ ପକ୍ଷରୁ ଚାଲିଥିବା ରାସ୍ତା ନିର୍ମାଣ କାମ ଗୁଡିକ ନିମ୍ନ ମାନର ହେଉଥିବା ଅଭିଯୋଗ ହେଉଥିଲେ ହେଁ ବିଭାଗ ନିରବ ଦ୍ରଷ୍ଟା ସାଜିଛି । ସୂଚନା ମତେ ଏହି ବ୍ଲକର ବ୍ଲକ ସଦର ସ୍ଥିତ ଡାକ ବଙ୍ଗଳା ଅସପୂର୍ଣ ଗୃହକୁ ପାଞ୍ଚ ଲକ୍ଷ ଟଙ୍କା ବ୍ୟୟ ଅଟକଳରେ ମରାମତି ନାଁରେ ଲକ୍ଷାଧିକ ଟଙ୍କା ହରିଲୁଟ ହୋଇଥିବା ଅଭିଯୋଗ ଆଣିଛନ୍ତି ସ୍ଥାନୀୟ ବାସିନ୍ଦା ।
ସେହିପରି ଭାବରେ ଡୁକେରମାଲ ଶାନ୍ତି ନଗର ପଡା ଦମକଳ ଅଫିସ ସାମନା ଏକ ଗ୍ରାମ୍ୟ ରାସ୍ତା ରେ ଆରଡ଼ି ବିଭାଗ ପକ୍ଷରୁ ମୁରୁମ ମେଟାଲ କାମ ଚାଲିଛି । ଏହି କାମରେ ଅନେକ ଅନିୟମିତତା ସାମ୍ନାକୁ ଆସିଛି । ରାସ୍ତା ନିର୍ମାଣ କାର୍ଯ୍ୟ ଆରମ୍ଭରୁ ସୂଚନା ଫଳକ ଲଗେଇବା ନିୟମ ଥିଲେ ମଧ୍ୟ ଏଠାରେ ତା’ର ଖୋଳା ଉଲ୍ଲଙ୍ଘନ କରାଯାଇଛି । ଏହି କାମର ଠିକାଦାର ଜଣକ ସ୍ଥାନୀୟ ବିଧାୟକଙ୍କ ପାଖ ଲୋକ ହୋଇଥିବାରୁ ବିଭାଗର ଅଧିକାରୀ ମାନେ ଜାଣି ଶୁଣି କିଛି କହୁ ନଥିବା ଚର୍ଚ୍ଚା ହେଉଛି । ଯାହା ଏହି ରାସ୍ତାର ସ୍ଥାୟୀତ୍ବକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।
ଠିକ ସେହିଭଳି ରିଞ୍ଜା ସରବରା ଜୋର ନିକଟରେ ଗାର୍ଡୱେଲ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲେ ହେଁ ମୁଖ୍ୟ ରାସ୍ତା କଡରେ ମେଟାଲ ପକେଇ ରଖିଥିବାରୁ ଲୋକ ମାନେ ଦୁର୍ଘଟଣା ଶିକାର ହେଉଛନ୍ତି । ଅନ୍ୟପଟେ ଗାର୍ଡୱେଲ ନିର୍ମାଣରେ ନିମ୍ନ ମାନର ମେଟାଲ ବ୍ୟବହାରକୁ ଗ୍ରାମ ବାସୀ ବିରୋଧ କରୁଥିଲେ ମଧ୍ୟ ଠିକାଦାର ଦବଙ୍ଗ ଗିରି ଚଳେଇଥିବା ଅଭିଯୋଗ ହେଉଛି ।
କଳାହାଣ୍ଡିରୁ ନରୋତ୍ତମ ସେଲମାଙ୍କ ରିପୋର୍ଟ OdiaBarta.in
Click here to get 24×7 News & Views alerts
https://facebook.com/odiabarta
