ବଲାଙ୍ଗିର,୨୧/୭: ବଲାଙ୍ଗିର ୟୁଥ ଏକ୍ସନ କମିଟି ସଭାପତି ବିନୋଦ କୁମାର କାଲସାଏଙ୍କ ନେତୃତ୍ବରେ ଏକ ପ୍ରତିନିଧି ମଣ୍ଡଳୀ ପୁଇଁତଲା ବ୍ଲକ ସୁର୍ଡା ଗାଁକୁ ଯାଇ ମୃତ ଶ୍ରମିକ ସାଧୁ ଚରଣ ନାଏକଙ୍କ ପରିବାରକୁ ସହଯୋଗର ହାତ ବଢ଼ାଇଛନ୍ତି ।
ବଲାଙ୍ଗିର ସହରର ତୁଲସିନଗର ପଡ଼ାର ଘର ମାଲିକ ରବି ନାରାୟଣ ମିଶ୍ରଙ୍କ ଘର ସେଣ୍ଟ୍ରି ଖୋଲୁଥିବା ସମୟରେ ଛାତ ପଡ଼ି ଶ୍ରମିକ ସାଧୁ ଚରଣ ନାଏକଙ୍କ ମୃତ୍ୟୁ ଘଟିଥିଲା । ତାଙ୍କର ଜମିବାଡ଼ି କିଛି ନାହିଁ ଓ ସେ ଦିନ ମଜୁରିଆ ଭାବେ କାମ କରି ପରିବାର ପୋଷଣ କରୁଥିଲେ । ତାଙ୍କର ତିନୋଟି ଝିଅ । ବର୍ତ୍ତମାନ ସ୍ଥିତିରେ ଘର ଚାଲିବା ଭାରି କଷ୍ଟ ତେଣୁ ବଲାଙ୍ଗୀର ୟୁଥ ଏକ୍ସନ କମିଟି ପକ୍ଷରୁ ତାଙ୍କ ପରିବାରକୁ ସୁଖିଲା ଖାଦ୍ୟ (ଚାଉଳ, ଡ଼ାଲି, ତେଲ, ଲୁଣ, ବିସ୍କୁଟ ଓ ମିକଚର) ଇତ୍ୟାଦି ସମଗ୍ରି ପ୍ରଦାନ କରାଯାଇଥିଲା । ଆଗାମୀ ଦିନରେ କିଭଳି ସରକାରୀ ସାହାଯ୍ୟ ସହଯୋଗ ପାଇପାରିବେ ସେଥିପାଇଁ ଜିଲ୍ଲା ପ୍ରଶାସନକୁ ନିବେଦନ କରାଯିବ ବୋଲି କମିଟି ପକ୍ଷରୁ ପରିବାର ସଦସ୍ୟଙ୍କୁ ସମବେଦନା ଜ୍ଞାପନ କରାଯାଇଛି । ଏହି କାର୍ଯ୍ୟକ୍ରମରେ ରବି ଖମାରୀ, ସରୋଜ ସାହୁ, ପ୍ରଶାନ୍ତ ନାୟକ ପ୍ରମୁଖ ଉପସ୍ଥିତ ଥିଲେ।
ବଲାଙ୍ଗୀର ଜିଲ୍ଲା ପ୍ରତିନିଧି ଗୋକୁଲା ନନ୍ଦ ବଗର୍ତ୍ତିଙ୍କ ରିପୋର୍ଟ OdiaBarta.in
Click here to get 24×7 News & Views alerts
https://facebook.com/odiabarta
