ଯାଜପୁର: ଅଖିଳ ଭାରତବର୍ଷିୟ ଯାଦବ ମହାସଭାର ରାଷ୍ଟ୍ରୀୟ ଯୁବ ଅଧ୍ୟକ୍ଷ ଯୁବ ଇଂ. ପ୍ରଦୀପ ବେହେରାଙ୍କ ପରାମର୍ଶ କ୍ରମେ ଧର୍ମଶାଳା ବ୍ଲକ ଯୁବ କର୍ମକାର୍ତ୍ତାଙ୍କ ନାମ ଘୋଷଣା କରିଛନ୍ତି ଉତ୍କଳ ଯାଦବ ମହାସଭା ଯାଜପୁରର ଯୁବ ସଭାପତି ଯୋଗେନ୍ଦ୍ର ଦାସ। ଧର୍ମଶାଳା ବ୍ଲକ ଯୁବ ଯାଦବ ମହାସଭାର ନୂତନ ସଭାପତି ଭାବେ ଚନ୍ଦ୍ରମଣି ନାୟକ, ସାଧାରଣ ସମ୍ପାଦକ ଭାବେ ମକରଧ୍ୱଜ ଦାସ ଓ କୋଷାଧ୍ୟକ୍ଷ ଭାବରେ ଅଜିତ ବେହେରା ମନୋନୀତ ହୋଇଛନ୍ତି। ଉତ୍କଳ ଯାଦବ ମହାସଭା ଯାଜପୁରର ସଭାପତି ଗଣେଶ୍ୱର ବେହେରା, ସମ୍ପାଦକ ମୁକୁନ୍ଦ ପ୍ରସାଦ ଦାସ, ସଂଗଠନ ମୁଖ୍ୟ ଭରତ ଚନ୍ଦ୍ର ଦାସ, ଧର୍ମଶାଳା ବ୍ଲକ ସଭାପତି ମୁରଲୀ ପାଣ୍ଡବ, ଜିଲ୍ଲା ମହିଳା ସଭାପତି ପାର୍ବତୀ ବେହେରା, ସଂଗଠକ ଗଦାଧର ଦାସ, ବିଜୟ ପାଲ ଯାଦବ, ଅଭିମନ୍ୟୁ ବେହରା ଆଦି ବହୁ ସଂଗଠକ ଯୁବ କର୍ମକାର୍ତ୍ତାଙ୍କୁ ମନୋନୀତ କରିଥିଲେ। ନୂତନ ଯୁବ କାର୍ଯ୍ୟକର୍ତ୍ତାଙ୍କୁ ଯାଜପୁର ଜିଲ୍ଲା ସମେତ ରାଜ୍ୟର ବିଭିନ୍ନ ପ୍ରାନ୍ତରୁ ଯାଦବମାନେ ଶୁଭେଛା ଓ ଶୁଭ କାମନା ଜଣାଇଛନ୍ତି।
