ଗୁଣୁପୁର, (ଦିଲୀପ କୁମାର ପଣ୍ଡା): ରାୟଗଡ଼ ଜିଲ୍ଲା ଅନ୍ତର୍ଗତ ଚନ୍ଦ୍ରପୁର ବ୍ଳକରେ ଭାରତୀୟ ମଜଦୁର ସଂଘ ଦ୍ୱାରା ପରିଚାଳିତ ଅଲ୍ ଓଡିଶା ଅଙ୍ଗନବାଡ଼ି ଲେଡିସ ୱାରକର୍ସ ଆସୋସିଏସନ୍ ର ଚନ୍ଦ୍ରପୁର ବ୍ଳକ ସଭାନେତ୍ରୀ ଶ୍ରୀମତୀ ପୁଷ୍ପଲତା ପାତ୍ର ଏବଂ ସଂପାଦିକା ଶୀତା ଗାଗେରିଙ୍ଗା ର ନେତୃତ୍ୱରେ ସ୍ଥାନୀୟ ଶିଶୁ ବିକାଶ ଯୋଜନା କାର୍ଯ୍ୟାଳୟ ପରିସରରେ କୋଭିଡ ନିୟମ ଅନୁସରଣ କରି ଏକ ବୈଠକ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ମୂଖ୍ୟ ଅତିଥି ଭାବେ ଭାରତୀୟ ମଜଦୁର ସଂଘର ରାଜ୍ଯ ସମ୍ପାଦକ ତଥା ଜିଲ୍ଲା ପ୍ରଭାରୀ ଶ୍ରୀ ଯୋଗେଶ୍ଵର ଦାସ, ସମ୍ମାନୀୟ ଅତିଥି ଭାବେ ଭାରତୀୟ ମଜଦୁର ସଂଘର ଜିଲ୍ଲା ଉପସଭାପତି ଶ୍ରୀ ମହନ ରାଓ ମାଝୀ, ଅଲ୍ ଓଡିଶା ଅଙ୍ଗନବାଡ଼ି ଲେଡିସ ୱାରକର୍ସ ଆସୋସିଏସନ୍ ର ରାଜ୍ଯ ଉପସଭାପତି ତଥା ଜିଲ୍ଲା ସଂପାଦିକା ଶ୍ରୀମତୀ ଉଷା ରାଣୀ ଦାଶ ଯୋଗଦେଇ ଚନ୍ଦ୍ରପୁର ବ୍ଳକରେ କାର୍ଯ୍ୟରତ ଅଙ୍ଗନବାଡ଼ି କର୍ମୀ ମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିବା ସହ କାର୍ଯ୍ୟାଳୟରେ କର୍ମଚାରୀ ଖାଲି ଥିବା ଦୃଷ୍ଟିରୁ ବିଭିନ୍ନ ସମସ୍ୟା ସୃଷ୍ଟି ହେଉଥିବା ଯୋଗୁଁ ଖାଲି ଥିବା ସ୍ଥାନ ତୁରନ୍ତ ପୂର୍ଣ୍ଣ କରିବା ସହ ସମସ୍ତ ସମସ୍ୟାକୁ ତଥା ଗରମ ରନ୍ଧାଖାଦ୍ୟ, କେନ୍ଦ୍ରମାନଙ୍କରେ ଚାଉଳ ଠିକ୍ ସମୟରେ ଦିଆ ଯାଉନଥିବା, ଦରମା ୭୫୦୦ ଟଙ୍କା ହିସାବରେ ଆସିବା କଥା କିନ୍ତୁ କମ୍ ଦରମା ଆସୁଥିବାରୁ କର୍ମୀମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ତେଣୁ ଜିଲ୍ଲା ପ୍ରଶାସନ ତୁରନ୍ତ ହସ୍ତକ୍ଷେପ କରି ଏହାର ସମାଧାନ କରିବା ପାଇଁ ଚିନ୍ତା କରିବେ ନଚେତ୍ ଆସନ୍ତା ଦିନରେ ଭାରତୀୟ ମଜଦୁର ସଂଘ ତାର ଦୃଢ଼ ଜବାବ ଦେବ ବୋଲି ଶ୍ରୀ ଯୋଗେଶ୍ଵର ଦାସ ପ୍ରକାଶ କରିଛନ୍ତି।
ଏହି ଅବସରରେ ବ୍ଳକର ପୂର୍ବ କମିଟିକୁ ଭଂଗ କରାଯାଇ ନୂତନ କମିଟି ଚୟନ କରାଯାଇଥିଲା।ଭାରତୀୟ ମଜଦୁର ସଂଘର ରାଜ୍ଯ ସମ୍ପାଦକଙ୍କ ଶ୍ରୀ ଦାସ ଅଲ୍ ଓଡିଶା ଅଙ୍ଗନବାଡ଼ି ଲେଡିଜ ୱାରକର୍ସ ଆସୋସିଏସନ୍ ର ରାଜ୍ୟ ଉପସଭାପତି ତଥା ଜିଲ୍ଲା ସଂପାଦିକା ଶ୍ରୀମତୀ ଦାଶଙ୍କ ଉପସ୍ଥିତିରେ ଚନ୍ଦ୍ରପୁର ବ୍ଳକର ନୂତନ କର୍ମକର୍ତ୍ତା ଭାବେ ସଭାନେତ୍ରୀ ଶ୍ରୀମତୀ ପୁଷ୍ପଲତା ପାତ୍ର, ଉପସଭାନେତ୍ରୀ ଭାବେ ଅନାମିକା ଲିମା, ସୁଜାତି ପଟ୍ଟନାୟକ, ସଂପାଦିକା ଶ୍ରୀମତୀ ପ୍ରିତୀବାଳା ମାହାନୀ, ସହ ସଂପାଦିକା ବବିତା ସାହୁ, କୋଷାଧ୍ୟକ୍ଷ ଭାବେ ଶ୍ରୀମତୀ ସଂଯୁକ୍ତା ପାତ୍ର ସହ ୩ ଟି ସେକ୍ଟର ରୁ ୨ ଜଣ ଲେଖାଏଁ ଲିଡର ଚୟନ କରି ନୂତନ କାର୍ଯ୍ୟକର୍ତ୍ତାମାନଙ୍କ ଘୋଷଣା କରିଥିଲେ।
