ଯାଜପୁର: ଉତ୍କଳ ଯାଦବ ମହାସଭା ବିଭିନ୍ନ ସାଙ୍ଗଠନିକ ଜିଲ୍ଲାର ମହିଳା ଶାଖାକୁ ସୁଦୃଢ କରିବାକୁ ଲାଗିଛି। ସେହି କ୍ରମରେ ଯାଜପୁର ଜିଲ୍ଲା ବିଂଝାରପୁର ବ୍ଲକରେ ନୂତନ ମହିଳା ସଭାପତି ଭାବେ ଶ୍ରୀମତୀ ସୁଲୋଚନା ଦାସ ମନୋନୀତ ହୋଇଛନ୍ତି। ଉତ୍କଳ ଯାଦବ ମହାସଭା ଯାଜପୁରର ସଭାପତି ଗଣେଶ୍ୱର ଦାସ ଏବଂ ଜିଲ୍ଲା ମହିଳା ସଭାପତି ପାର୍ବତୀ ବେହେରା ବିଂଝାରପୁର ବ୍ଲକ ସଭାପତି ଭାବରେ ଶ୍ରୀମତୀ ସୁଲୋଚନା ଦାସଙ୍କ ନାମ ଘୋଷଣା କରିଛନ୍ତି। ଜଣେ ଉତ୍ତମ ସଙ୍ଗଠକ ଓ ନାରୀନେତ୍ରୀ ଶ୍ରୀମତୀ ଦାସ ନିଜର ନୂତନ ଦାଇତ୍ୱ ସୂଚାରୁରୂପେ ସମ୍ପାଦନ କରିବେ ଓ ସଙ୍ଗଠନକୁ ସୁଦୃଢ କରିବେ ବୋଲି ମହାସଭା ଆଶା ବ୍ୟକ୍ତ କରିଛି। ସୁଲୋଚନା ଦାସ ଉତ୍କଳ ଯାଦବ ମହାସଭା ବିଂଝାରପୁର ବ୍ଲକରେ ନୂତନ ମହିଳା ସଭାପତି ଭାବେ ନିଯୁକ୍ତ ହେବାପରେ ତାଙ୍କ ପାଖକୁ ଯାଜପୁର ଜିଲ୍ଲା ସମେତ ରାଜ୍ୟର ବିଭିନ୍ନ ପ୍ରାନ୍ତରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି।
