କୋକସରା, (ହିରଣ୍ୟ ବେହେରା): କୋକସରା ଥାନା ଧନସରା ଗ୍ରାମର ଏକ ଚାଷଜମିରେ ଜଣେ ଯୁବ ଚାଷୀଙ୍କ ଆକସ୍ମିକ ମୃତ୍ୟୁକୁ ନେଇ ଅଞ୍ଚଳ ତଥା ପରିବାର ମଧ୍ୟରେ ଶୋକର ଛାୟା ଖେଳିଯାଇଛି। ମୃତ ଯୁବକ ଜଣକ ହେଲେ ଧନସରା ଗ୍ରାମର ମାହାରୁ ସତନାମୀ (୨୨)। ସୂଚନା ଅନୁସାରେ ଆଜି ଅପରାହ୍ନରେ ନିଜ ଚାଷ ଜମିର ଘାସ ବାଛିବାକୁ ଯାଇ ଏମିତି ଅଘଟଣ ଘଟିଥିବା ଜଣାପଡିଛି। ଚାଷଜମିରେ ସେ ପଡିରହିଥିବା ଦେଖି ପଡୋଶୀ ଚାଷୀ ଓ ସ୍ଥାନୀୟ ଲୋକେ ପରିବାର ଓ କୋକସରା ଥାନାକୁ ଅବଗତ କରେଇଥିଲେ। ଘଟଣାସ୍ଥଳରେ କୋକସରା ଥାନା ଏଏସଆଇ ଜନ୍ମେଜୟ ବାଗ ପହଞ୍ଚି ଶବ ଜବତ କରିଥିଲେ। ବ୍ୟବଚ୍ଛେଦ ପରେ ମୃତ୍ୟୁର କାରଣ ସାମ୍ନାକୁ ଆସିବ ବୋଲି ଏଏସଆଇ ଶ୍ରୀ ବାଗ ସୂଚନା ଦେଇଛନ୍ତି।
