କଳାହାଣ୍ଡି, (ନବୀନ କିଶୋର ସାହୁ): କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ସ୍ଥିତ ଧବଳେଶ୍ବର ପିଠ ବେଲଖଣ୍ଡି ଠାରେ ସମାଜସେବୀ ପୃଥିରାଜ ଛତ୍ରିଆଙ୍କ ନେତୃତ୍ବରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବେଳଖଣ୍ଡି ପଞ୍ଚାୟତର ଯୁବପିଢି ବେଲଖଣ୍ଡି ଶୈବ ପିଠ ଚତୁଃପାଶ୍ବରେ ସଫେଇ କରିଥିଲେ। କାର୍ତ୍ତିକ ପୂର୍ଣିମା ଭୋର ପାହାନ୍ତିଆ ଠାରୁ ଭକ୍ତଙ୍କ ପାଇଁ ଚା ଷ୍ଟଳ ଲଗାଇ ସମସ୍ତଙ୍କୁ ଯୋଗାଇଥିଲେ। ମନ୍ଦିର ସୁସଜ୍ଜିତ କରିବା ପାଇଁ କିଛି ଫୁଳ ଗଛ ଲଗାଇବା ପାଇଁ ଚେଷ୍ଟା ଜାରି ରଖିବେ ବୋଲି ନିଜର ମତାମତ ରଖିଛନ୍ତି ଶ୍ରୀ ଛତ୍ରିଆ। ଆଗକୁ ସ୍କୁଲ , ଅଙ୍ଗନବାଡି, ରାସ୍ତା ସଫେଇ କାର୍ଯ୍ୟକ୍ରମ କରିବେ ବୋଲି ମୁଖ୍ୟତଃ ଯୁବସଂଗଠନଙ୍କୁ ଦାୟିତ୍ବ ଦେଇ ଏକ ସଭା କରିଥିଲେ। ଆଗାମି ଦିନକରେ ସେ ଆହୁରି ଭଳ କାମ କରନ୍ତୁ ବୋଲି ଯୁବ ସଂଗଠନ ବେଲଖଣ୍ଡିର କର୍ମକର୍ତ୍ତା କହିଛନ୍ତି।
