କଳାହାଣ୍ଡି, (ଲିଙ୍ଗରାଜ ମିଶ୍ର): କଳାହାଣ୍ଡି ଜିଲ୍ଲା ନର୍ଲାର ସରସ୍ବତୀ ଶିଶୁ ବିଦ୍ୟା ମନ୍ଦିର ଠାରେ ଆଜି ମାଟିଲଗ୍ନା ସାହିତ୍ଯ ସଂସଦ ଆନୁକୂଲ୍ୟରେ ‘ଛାତ୍ର ମେଧା ସମ୍ମାନ’ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି । ପ୍ରଧାନାଚାର୍ଯ୍ଯ ବୁଦ୍ଧ ନାଏକଙ୍କ ଅଧ୍ଯକ୍ଷତାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ, ଶିବରାମ ସାହୁ, କଳାହାଣ୍ଡି ଜିଲ୍ଲା ପର୍ଯ୍ଯବେକ୍ଷକଙ୍କ ଦ୍ବାରା କାର୍ଯ୍ୟକ୍ରମ ସଞ୍ଚାଳିତ ହୋଇଥିଲା ।
ମୁଖ୍ଯ ଅତିଥି ଭାବେ ଅଧ୍ୟାପକ ସମୀର କୁମାର ମହାପାତ୍ର (କଳାହାଣ୍ଡି ଜିଲ୍ଲା ସଭାପତି,ମାଟିଲଗ୍ନା), ମୁଖ୍ଯ ବକ୍ତା ଭାବେ ଅଧ୍ୟାପକ ସରୋଜ କୁମାର ଜେନା (କଳାହାଣ୍ଡି ଜିଲ୍ଲା ଅଭିଭାବକ, ମାଟିଲଗ୍ନା) ଏବଂ ମାଟିଲଗ୍ନାର କଳାହାଣ୍ଡିଜିଲ୍ଲା ସଂଯୋଜକ କିଶୋର ଚନ୍ଦ୍ର ତ୍ରିପାଠୀ ଯୋଗଦାନ କରିଥିଲେ । ଶିଶୁମାନଙ୍କ ମଧ୍ଯରେ କବିତା ଆବୃତ୍ତି, ବକ୍ତୃତା ଓ ମାଣବସା ଝୋଟି ପ୍ରତିଯୋଗିତା କରାଯାଇ ପୁରସ୍କୃତ କରାଯାଇଥିଲା । ବିଦ୍ଯାଳୟର ଛାତ୍ର-ଛାତ୍ରୀ ଓ ଗୁରୁଜୀ-ଗୁରୁମା ଉପସ୍ଥିତ ହୋଇ କାର୍ଯ୍ଯକ୍ରମକୁ ସଫଳ କରିଥିଲେ ।
